కొత్త సీన్లతో పండగే పండగ..

Posted: 10/28/2013 06:12 PM IST

టాలీవుడ్ లో రికార్డు వసూళ్ళను సాధించి, వంద కోట్లకు పరుగులు తీస్తున్న పవన్ కళ్యాణ్ సినిమా ‘అత్తారింటికి దారేది ’ చిత్ర యూనిట్ ప్రేక్షకులకు దీపావళి కానుకను అందించబోతుంది. ఈ సినిమాలో ఆరు నిమిషాలు నిడివి ఉండే సన్నివేశాలను ఈనెల 31వ తేదీ నుండి ప్రేక్షకులకు అందించబోతున్నామని, సెకండాఫ్ లో బ్రహ్మానందం కామెడీ తో పాటు అభిమానుల్ని అలరించే మరిన్ని సీన్లను జత చేస్తున్నట్లు ఆ చిత్ర నిర్మాత అయిన బీవీఎస్ఎన్ ప్రసాద్ తెలిపారు.

ఇప్పటికే మగధీర రికార్డుల్ని బద్దలు కొన్ని ఇప్పటి వరకు 73 కోట్లకు పైగా వసూళ్లు సాధించిన ఈ సినిమాను 100 కోట్ల క్లబ్లులో పడేయడానికి నిర్మాతలు ఈ చిన్న ట్రిక్కును ప్లే చేస్తున్నారని అంటున్నారు. ఈ చిత్రం విజయం పై నిర్మాత మాట్లాడుతూ... పైరసీ ఈ సినిమా కలెక్షన్ల పై ఏ మాత్రం ప్రభావం చూపలేక పోయిందని అది పవన్ సినిమా స్టామినా అని , బాక్సాఫీస్ వద్ద ఈ చిత్రం సాధిస్తున్న విజయాన్ని ఎంజాయ్ చేస్తున్నాం. దీపావళి పండగ సెలవుల్లో అభిమానులు ఈ చిత్రాన్ని మరింతగా ఎంజాయ్ చేయండని నిర్మాత చెప్పుకొచ్చారు.

అయితే కొంత మంది సినీ విశ్లేషకులు మాత్రం ‘అత్తారింటికి దారేది ’ సినిమా కలెక్షన్లు డ్రాప్ అయ్యాయని, అందుకే ఈ సీన్లు జత చేసి ప్రేక్షకుల్ని థియేటర్ కి రప్పించేందుకే ఈ హంగామా అని, టాలీవుడ్ లో ప్రస్తుతం ఏ చిత్రం ఊపు మీద లేదు కాబట్టి ఈ చిత్రం హవా కొనసాగుతుందని అనుకుంటున్నారు. ఇక ఈ సినిమా త్రివిక్రమ్ శ్రీనివాస్ దర్శకత్వంలో రూపొంది సెప్టెంబర్ 27 తేదిన విడుదలైంది. ఈ చిత్రంలో సమంత, ప్రణీత, బోమన్ ఇరానీ, నదియాలు నటించారు.