జేసీ పై బొత్స గరం గరం

Posted: 10/28/2013 04:50 PM IST

కాంగ్రెస్ అధినేత్రి సోనియా గాంధీ పై మాజీ మంత్రి, అనంతపురం జిల్లా సీనియర్ కాంగ్రెసు పార్టీ నాయకుడు జేసీ దివాకర్ రెడ్డి శనివారం రోజు . వైయస్సార్ కాంగ్రెసు పార్టీతో అధిష్టానం మ్యాచ్ ఫిక్సింగ్ చేసుకుందని, అందుకే జగన్ బెయిల్ వచ్చిందని ఆయన బహిరంగంగా వ్యాఖ్యలు చేసిన విషయం తెలిసిందే.

ఈ విషయం పై కాంగ్రెస్ ప్రదేశ్ కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణ జేసీ పై ఘరం ఘరం అయినట్లు తెలుస్తుంది. తెలంగాణను అనుకూలంగా నిర్ణయం తీసుకున్నా, జగన్ కి బెయిల్ వచ్చే విధంగా చేసిన సోనియా గాంధీని పల్లెత్తి మాట కూడా అననీడయం లేదు కాంగ్రెస్ వారు. విజయనగరం జిల్లాలో వరద బాధితులను పరామర్శిస్తున్న బొత్సకు జెసి ఫోన్ చేశారు. ఆ సమయంలో ఆయన అధినేత్రి పై, కాంగ్రెస్ పై చేసిన వ్యాఖ్యల పై వివరణ కోరుతూ, బొత్స ఒకింత ఆగ్రహం వ్యక్తం చేస్తూ... ఇష్టం ఉంటే పార్టీలో ఉండవచ్చు లేదంటే వెళ్లిపోవచ్చని మాట్లాడారు. అపవాదులు వేయడం సరికాదన్నారు. దీనికి ఫోన్లోనే జేసీ బొత్సకు ధీటుగా సమాధానం చెప్పాడు.

తాను పుట్టింది కాంగ్రెసు పార్టీలో, పెరిగింది కాంగ్రెసు పార్టీలో అని, చచ్చే వరకు కాంగ్రెసు పార్టీలోనే కొనసాగుతానన్నారు. మొదటి నుండి కాంగ్రెసు పార్టీలోనే ఉన్నానని, అందుకే మాట్లాడుతున్నానని బొత్సకు ఎదురు చెప్పాడు. తాను పార్టీ వీడే వాడిని కాదని చెప్పారు. జగన్‌తో కాంగ్రెసు కుమ్మక్కైన విషయం వాస్తవం కాదా అని సవాల్ విసిరి... ఉన్న మాట చెబితే... గెటౌట్ అంటారా అంటు ఆగ్రహం వ్యక్తం చేస్తూ... ఫోన్ కట్ చేసినట్లు సమాచారం. ఈ తాజా పరిణామం ఎంత దూరం వెళుతుందోనని అందోళన చెందుతున్నారు కాంగ్రెస్ నాయకులు.