మగధీర రికార్డులను బ్రేక్ చేయడం పై రాజమౌళి ట్వీట్

Posted: 10/26/2013 02:43 PM IST

టాలీవుడ్ లో కలెక్షన్ల పరంగా రికార్డులు క్రియేట్ చేసిన దర్శకధీరుని ‘మగధీర ’ సినిమా అప్పటి నుండి మొన్నటి వరకు ఆల్ టైం రికార్డుగా నిలిచింది. 2009 లో వచ్చిన ఈ సినిమా తెలుగు ఇండస్ట్రీలో బాక్సాఫీసు కలెక్షన్లను షేక్ చేసి 73 కోట్లు వసూలు చేసిన విషయం తెలిసిందే. ఇప్పుడు అదే రికార్డును దాదాపు నాలుగు సంవత్సరాల తరువాత ఆ రికార్డును చెరిపేస్తూ కొత్త రికార్డును క్రియేట్ చేసింది పవన్ కళ్యాణ్ నటించిన ‘అత్తారింటికి దారేది ’ సినిమా. ఇప్పటికీ దూసుకుపోతూ 100 కోట్ల వైపు పరుగులు తీస్తుంది.

ఈ సినిమా ‘మగధీర ’ రికార్డులను బ్రేక్ చేయడం పై దర్శకధీరడు స్పందించాడు. తమ సినిమా రికార్డులను ‘అత్తారింటికి దారేది ’ సినిమా అధిగమించడం పట్ల ప్రముఖ దర్శకుడు రాజమౌళి ట్విట్టర్ లో హర్షం వ్యక్తం చేశాడు. గత ఐదు సంవత్సరాల క్రితం ఓ సందర్భంలో ప్రముఖ నిర్మాత  శ్యాంప్రసాద్ రెడ్డిగారు మన తెలుగు సినిమా గురించి మాట్లాడుతూ, ‘తెలుగులో ఒక మంచి సినిమా నిర్మిస్తే కనుక 100 కోట్ల సినిమా అవుతుంది. అంతటి శక్తి తెలుగు సినిమాకు వుంది ’ అన్నారు. ఆ సమయంలో ఆయన మాటలు జోక్ లా అనిపించి మేం నవ్వుకున్నాం.

కానీ, ఈ రోజు ఆయన మాటలు నిజమయ్యాయి. కానీ ‘అత్తారింటికి దారేది ’ సినిమా యూనిట్ కే కాదు, మొత్తం తెలుగు సినిమా పరిశ్రమకే గర్వకారణం అంటూ ట్విట్టెర్లో పోస్ట్ చేస్తూ... పవన్ కల్యాణ్ కి, ఆయన అభిమానులకు ఈ సందర్భంగా ఆయన మనస్పూర్తిగా అభినందనలు తెలిపాడు. తన సినిమా రికార్డుల్ని బద్దలు కొట్టినా కానీ... ఆ సినిమా యూనిట్ కి అభినందనలు తెలిపి తన మంచి మనస్సును చాటుకున్నాడు.