టిడిపి సోమిరెడ్డి ట్రాఫిక్ సిగ్నల్

Posted: 09/25/2013 03:50 PM IST

తెలుగుదేశం పార్టీ నాయకులు దూకుడుపెంచారు.. నిన్న రేవంత్ రెడ్డి, నేడు సోమిరెడ్డి చంద్రమోహన్ రెడ్డి వైఎస్ జగన్ పార్టీపై, వైఎస్ జగన్ పై విమర్శల దూకుడుపెంచారు. అక్రమాస్తులు , ఓఎంసి, ఎమ్మార్ కేసులు జగన్ చుట్టూ తిరిగియాని, అన్ని కేసుల్లో ముద్దాయి జగన్ కు గవర్నర్ ఫ్రొటోకాల్ ఇస్తారా అని సొమిరెడ్డి మండిపడ్డారు. రాష్ట్ర ముఖ్యమమంత్రి , రాష్ట్ర గవర్నర్ లకు ఇచ్చే మర్యాదలు ప్రతి ట్రాఫిక్ సిగ్నల్ వద్ద జగన్ కు ఇచ్చారని ప్రభుత్వమే ఇంత హంగామాతో ముద్దాయికి మర్యాదలు చే్స్తే సాక్షులు భయపడరా అని సోమిరెడ్డి ప్రశ్నించారు. సిబిఐ ఎందుకు హడావుడిగా మెమో దాఖలు చేసిందన్నారు. నేరస్తులు చట్టసభల్లో ఉండకూడదని సుప్రింకోర్టు తీర్పు ఇస్తే ఆర్డినెన్స్ తేవడం దేనికి సంకేతమని ఆయన నిలదీశారు. సోనియా కనుసన్నల్లో కిరణ్ కుమార్ రెడ్డి ప్రభుత్వం జగన్ కు ఎర్రతివాచీ పరిచి స్వాగతం పలికిందన్నారు. సిబిఐ లాంటి వ్యవకస్థ ఎందుకింత బలహీనమవుతోందని ఆయన ఆవేధన వ్యక్తం చేశారు. ఇంత పెద్ద ముద్దాయికి బెయిల్ సమయంలో సిబిఐ సహకరించటం చరిత్రలో గుర్తుండిపోతుందని సోమిరెడ్డి అన్నారు.

 

ఒక్క వ్యక్తి ఇన్నివేల కోట్లు ఎలా సంపాదించారిన సుప్రీం హైకోర్టుల న్యాయమూర్తులు అడిగారని, సీబీఐకి ఆ ప్రశ్నలు గుర్తురాలేదా అని సోమిరెడ్డి ప్రశ్నించారు. 23న రాత్రి సోనియాగాందీకి విజయమ్మ ఫోన్ చేశారని, మీరు గుండెలపై చేయి వేసుకుని నిశ్చింతంగా ఉండండని సోనియా ఆమెకు చెప్పారని ఆయన పేర్కొన్నారు. నేరచరితులు ఎక్కడున్నా వారిని కలుపుకొని రాహుల్ ని ప్రధాని చేయాలన్నదే కాంగ్రెస్ ఉద్దేశమా అని ఆయన ప్రశ్నించారు. రెండుసార్లు అధికారంలో ఉన్నప్పుడు ప్రధాని బాధ్యతలు తీసుకోవటానికి రాహుల్ భయపడ్డారని సోమిరెడ్డి వ్యాఖ్యనించారు. సోనియాకు కడప పౌరుషం, తడాఖా చూపిస్తామన్న వారు, కాళ్లు పట్టుకున్నారని విమర్శించారు. సోనియా కొడుకు భవిష్యత్తు కోసం ఆంద్రప్రదేశ్ ను తాకట్టు పెడతారా అని నిలదీశారు. సోనియా కనుసన్నల్లోనే జగన్ కేసు దర్యాప్తు జరుగుతోందన్నారు. కేసిఆర్ గతంలోనూ జగన్ ను పొగిడారు, ఇప్పుడూ పొగుడుతున్నారని, అక్కడ జగన్, ఇక్కడ మేము అని కేసిఆర్ బహిరంగంగా చెబతున్నారని సొమిరెడ్డి గుర్తుచేశారు. కాంగ్రెస్, కేసిఆర్ వైకాపాలది ఒకే జట్టన్నారు. బోఫోర్స్ కేసునుంచి నేటిదాకా అవినీతిపై రాజీలేని పోరాటం చేసింది తెలుగుదేశం పార్టీనేనని, అవినీతిపై తమ పోరాటాన్ని కొనసాగిస్తామని సోమిరెడ్డి తెలిపారు.