గణేష్ వద్ద వర్మ కోరిక- పవన్ కళ్యాణ్ షాక్ ?

Posted: 09/10/2013 12:48 PM IST

వినాయక చవితి పండగ సందర్బంగా రాష్ట్ర ప్రజలు ఆనందంగా ఉన్నారు. గణేష్ ను ప్రజలు భక్తి శ్రద్దలతో పూజించారు. గణపతి వద్ద భక్తులు తమ తమ కోరికలను తీర్చాలని, కోరుకుంటారు. అలాగే.. ప్రముఖ దర్శకుడు రామ్ గోపాల్ వర్మ కూడా తమ మనసులోని కోరికను తీర్చాలని గణపతి కోరుకున్నారు. అయితే వర్మ కోరుకున్న కోరిక ఏమిటో అనుకుంటున్నారా? సహజంగా అయితే.. ఆయన తీసిన సినిమాలు హిట్ కావాలని, లేదా ఆయన కుటుంబం బాగుండాలని కోరుకుంటారు అని అనుకుంటే పొరపాటే..ఇక్కడ ఆయన కోరుకుంది రాష్ట్ర ప్రజల గురించి, రాష్ట్ర ప్రజలకు సరైన నాయకుడు కావాలని గణపతి వద్ద వేడుకోవటం జరిగింది. అయిన వర్మ కు రాష్ట్ర ప్రజల పై ఎందుకంత ప్రేమ. రాష్ట్ర ప్రజల గురించి వర్మ ఎందుకు ఆలోచిస్తున్నాడు. ఎప్పుడు దెయ్యాలు సినిమాలు తీసి, సినీ ప్రజలను భయపెట్టే వర్మ ఇలా ఎందుకు మారిపోయాడు? వర్మ నిజంగా మారిపోయాడా? లేక తన ఇమేజ్ కోసం నటిస్తున్నాడా? అనే ప్రశ్నలు ప్రతి సామాన్యుడి మనసులో రేకేత్తున్నాయి. అయితే ఇలాంటి ప్రశ్నలకు ఏదో ఒక రోజు వర్మనే సమాధానం చెబుతాడు. అయితే అప్పటి వరకు మాత్రం వర్మ కోరుకున్న కోరిక గురించి ఆలోచిద్దాం. వర్మ మంచి కోసం అంటున్నాడో, లేక ఏదైన చెడు కోసం అంటున్నాడో తెలియాదు గానీ, ప‌వ‌న్ కళ్యాణ్ పార్టీ పెడితే బాగుంటుందని పదే పదే మీడియా ముందు, ట్విట్టర్ ద్వారా కోరుకుంటున్నారు. ఇదివ‌ర‌కు...రాష్ట్ర ప్రజ‌ల ద‌శ దిశ‌ను మార్చే స‌త్తా ప‌వ‌న్‌క‌ల్యాణ్‌కి ఉంది, నేను ఎప్పుడూ ఓటు వేయ‌లేదు. ఆయ‌న పార్టీ పెడితే క్యూలో నిల‌బ‌డి మ‌రీ ఓటేస్తాను అంటూ ట్వీట్ చేశాడు వ‌ర్మ. ఆ వ్యాఖ్యాలుకు కొన‌సాగింపుగా వినాయ‌క చ‌వితి రోజున మ‌ళ్లీ ఆస‌క్తిక‌ర‌మైన వ్యాఖ్యలు చేశాడు. "సాధార‌ణంగా నేను దేవుడికి మొక్కను. కానీ గ‌ణేష్ ని వేడుకొంటున్నా. ఆంధ్రప్రదేశ్ రాష్ట్ర ప్రజ‌ల కోసం ప‌వ‌న్‌క‌ల్యాణ్ పార్టీ పెట్టేలా చూడు" అంటూ ట్వీట్ చేశాడు వ‌ర్మ‌. వర్మ చేసిన ట్విట్ చేసిన పవన్ కళ్యాణ్ విషయం పై మెగా అభిమానులు ఆనందంగా ఉన్నారు. కొంతమంది వర్మ కామెంట్లపై తిట్ల వర్షం కురిపిస్తున్నారు. ఏమైన వర్మ ట్విట్ వెనుక దాగిన రహాస్యం ఏమిటో త్వరలో తెలుస్తోందని .. మెగా అభిమానులు అంటున్నారు.