సల్మాన్‌కు జైలు దెబ్బ

Posted: 06/25/2013 12:53 PM IST

బాలీవుడ్ నుండి మరో ప్రముఖ హీరో కు జైలు శిక్ష పడే అవకాశాలు ఎక్కువుగా కనిపిస్తున్నాయి. బాలీవుడ్ సీనియర్ నటుడు అయిన సంజయ్ దత్ ఇప్పటికే జైలు శిక్ష అనుభవిస్తున్నారు. ఈ సారి సల్లుభాయ్ వంతు రావటంతో.. బాలీవుడ్ వాసులు షాక్ తిన్నారు. పదకొండేళ్ల క్రితం కారుతో నిద్రిస్తున్న వారిపై దూసుకెళ్లి, ఒకరి మృతికి కారణమైన (హిట్‌ అండ్‌ రన్‌)కేసులో బాలీవుడ్‌ నటుడు సల్మాన్‌ ఖాన్‌కు కోర్టులో పెద్ద ఎదురుదెబ్బ తగిలింది. 2002లో జరిగిన ఈ కేసుపై సల్మాన్‌ దాఖలు చేసిన రివ్యూ పిటిషన్‌ను ముంబై సెషన్స్‌ కోర్టు తిరస్కరించింది. హత్య కాకుండా ప్రాణ నష్టం కల్గించాడనే అభియోగాలను సల్మాన్‌పై మోపేందుకు ప్రయత్నించారు. దీని ప్రకారం, భారతీయ శిక్షాస్మృతి 304 సెక్షన్‌ కింద కేసు నమోదు చేస్తారు. ఈ కేసులో నటుడి దోష నిర్థారణ అయినట్లయితే సుమారు పదేళ్ల జైలు శిక్ష పడే అవకాశముంది. కేసు విచారణలో ఉండగానే పునర్‌పరిశీలిం చాలంటూ పిటిషన్‌ దాఖలు చేయడాన్ని కోర్టు తిరస్కరించింది. సల్మాన్‌ నెలపాటు కోర్టు ఎదుట హాజరు కావాలని కోర్టు ఆదేశించింది. 2002 సెప్టెంబర్‌ 28న తెల్లవారు జామున బాంద్రాలో బేకరి బయట నిద్రిస్తున్న వారిపైకి సల్మాన్‌ కారు డ్రైవర్‌ దూసుకెళ్లగా, ఒకరు మృతి చెందగా, నలుగురు గాయపడ్డారు.