జగన్ పార్టీకి ఝలక్ ఇవ్వనున్నాడా ?

Posted: 05/14/2013 09:12 PM IST

వైయస్సార్ కాంగ్రెస్ పార్టీ అధినేత వైయస్ జగన్ మోహన్ రెడ్డికి జలక్ మీద జలక్ లు తగులుతున్నాయి. నిన్న మొన్నటి వరకు కొండా దంపతులు పార్టీని వీడుతారనే ప్రచారం సాగింది. కానీ ఇవాళ వారు జగన్ ని కలిసి తాము పార్టీని వీడటం లేదని చెప్పారు. తాజాగా కృష్ణా జిల్లా గుడివాడ శానససభ్యుడు అయిన కొడాలి నాని తెలుగు దేశం పార్టీకి రాజీనామా చేసి, జగన్ పార్టీలో చేరిన విషయం తెలిసిందే. అయితే ఈయన ఇప్పుడు ఆ పార్టీకి జలక్ ఇస్తారా ?అనే అనుమానునాలు వ్యక్తం అవుతున్నాయి. పార్టీ విప్ ని దిక్కరించిన కొంత మంది తెదేపా ఎమ్మెల్యేలు అందురు స్పీకర్ మనోహర్ దగ్గరికి వెళ్లి హాజరయ్యి, తమపై వేటు వేయాలని వారు కోరారు. తెలంగాణకు చెందిన వేణుగోపాలాచారి, హరీశ్వర్ రెడ్డి మాత్రం విచారణకు హాజరయ్యారు. విచారణకు హాజరు కావడానికి తనకు కొంత సమయం ఇవ్వాలని కొడాలి నాని స్పీకర్‌ను కోరారు. అయితే అందరి లాగా కాకుండా నాని తనకు కొంత సమయం కావాలని అడగటం వెనుక ఏదో ఉందని, అందుకే సమయం కోరాడని అంటున్నారు. కొడాలి నాని జగన్ పార్టీలో చేరడం పై గుడివాడ కార్యకర్తలు తీవ్ర అసంత్రుప్తిని వ్యక్తం చేశారు. ప్రస్తుతం జగన్ పార్టీలో జరుతున్న పరిణామాలను పరిగణలోకి తీసుకొని తన రాజకీయ భవిష్యత్తు పై పునరాలోచన చేసుకోవడానికి స్పీకర్ ని కొంత సమయం అడిగాడని ఆయన వర్గంలో ఓ మాట వినిపిస్తుంది. అయితే మరి కొందరు మాత్రం ప ఎన్నికను ఎదుర్కోవడానికి సిద్ధంగా లేకపోవడం వల్లనే అలా చేసి ఉంటారని అంటున్నారు. ఏది ఏమైనా వీటన్నింటికి తెర పడాలంటే నాని నోరు విప్పాల్సిందే.