నన్ను ఎదుర్కోలేకనే...

Posted: 05/14/2013 06:44 PM IST

కాంగ్రెస్ పార్టీ సీనియర్ నాయకుడు, రాష్ట్ర వ్యవసాయ శాఖ మంత్రి కన్నా లక్ష్మినారాయణ పై తెలుగు దేశానికి చెందిన ముగ్గురు నాయకులు, (మాజీ మంత్రులు) జగన్ అక్రమాస్తుల కేసులో ఈయనకు సంబంధం ఉందని కోర్టులో పిల్ వేసిన విషయం తెలిసిందే. ఈ విషయం పై కన్నా స్పందిస్తూ.... జగన్ అక్రమాస్తులలో గానీ, వారు ఆధారంగా చూపుతూ వేసిన జీవోలతో సంబంధం లేదని, ఆ జీవోలు జారీ చేసినప్పుడు నేను ఆ శాఖ మంత్రినే కానే కాదని, అలాంటప్పుడు వీరు ఏ ఆధారాలతో పిల్ వేశారని ప్రశ్నించారు. నేను కేవలం 2010 లో కేవలం పాత జీఓకు అనుబందంగా ఆర్ధిక శాఖ కార్యదర్శి ఇచ్చిన మెమో అని ఆయన అన్నారు. ఒక కోర్టులో ఈ పిల్ వేసిన వారు మాజీ మంత్రులేనని వారికి జీవోలకు, మెమోలకు తేడా తెలియకుండా వేశారని ఎద్దేవ చేశారు. రాజకీయంగా ఎదుర్కునే దమ్ము లేకనే తనపై కూడా ఇలాంటి పిల్ వేశారని అన్నారు.

మరో వైపు తెలుగుదేశం పార్టీ ఎమ్మెల్యే దూళిపాళ్ళ నరేంద్ర కన్నా పై విరుచుకుపడ్డారు. తెలుగుదేశం పార్టీ అధినేత చంద్రబాబు నాయుడు కళంకిత మంత్రులను తొలగించాలను గవర్నర్ ని కలిసిన నేపథ్యంలో కన్నా చేసిన వ్యాఖ్యలకు జవాబుగా ఆయన మాట్లాడారు. మంత్రి కన్నా ఒకప్పుడు కూలి పని చేసుకునేవాడని, అలాంటి ఆయన ఇవాళ వందల కోట్లు ఎలా సంపాదించాడని, జగన్ కేసులో ఆయనకు ఎలాంటి సంబంధం లేకుంటే ఆయన  స్వచ్చంధంగా ఆస్తుల పై సీబీఐ విచారణ కోరాలని, సీబీఐ విచారణలో ఎన్ని అక్రమాస్తులు ఉన్నాయో తాము రుజువు చేసి చూపిస్తామని అన్నారు. మరో టీడీపీ నేత కోడెల శివ ప్రసాద్ మాట్లాడుతూ... కన్నా ఎమ్మెల్యేకు ఎక్కువ, మంత్రికి తక్కువ అని అన్నారు. వీరి సవాల్ కి కన్నా ఎలా స్పందిస్తాడో చూడాలి.