ఉప ముఖ్యమంత్రి నోటి దురుసు ఫై యుద్దం?

Posted: 04/08/2013 12:25 PM IST

‘‘మంత్రలకు చింతకాయలు రాలింది లేదు?  ఉపన్యాసాలతో  ఊళ్లూ బాగుపడింది లేదు’’ కానీ  నోటి దురుసు వలన నాలుగురిలో నవ్వుల పాలైన రాజకీయ నాయకులు చాలా మంది ఉన్నారు.  నోరు చేసే పనులకు  శరీరంపై పడే గాయాలను భరించాలి. ప్రజలే ఎన్నుకున్న ఒక ప్రజా నాయకుడే తన నోటి దురుసుతో శత్రువుగా మారాడు. ప్రజల ఓట్లలతో  గెలిచి, చివరకు ఆ ప్రజలకే మూత్రం  తాగించే రాజకీయ నాయకుడు ఉన్నాడని రుజువు చేశాడు ఒక ఉప ముఖ్యమంత్రి.   ఆయనే మహారాష్ట్ర ఉప ముఖ్యమంత్రి  అజిత్ పవార్. ఉప ముఖ్యమంత్రి అలా ప్రవర్తించటానికి పెద్ద కారణం ఏమి లేదు? కరువుతో అల్లాడిపోతూ, కరెంటు లేక.. కళ్లముందే  చేతికొచ్చిన పంట ఎండిపోతుంటే,  మా పంటలను కాపాడండి బాబు అంటూ మహారాష్ట్ర రైతులు ప్రభుత్వం వద్ద మొరపెట్టుకున్నారు.  రైతులు కలిసి కట్టుగా  సాగునీటి కోసం  రైతులు 55 రోజులుగా  నిరాహార దీక్షలు చేస్తున్నారు.  ఈ సమస్యకు పరిస్కారం చెప్పాల్సిన ఉప ముఖ్యమంత్రి రైతులపై రెచ్చిపోయారు. అతని లో ఉన్న శాడిజం మనిషి నిద్రలేసాడు. అంతే .. డ్యాంలో నీరు లేకుంటే మేం ఎలా విడుద చేయాలి.  అనే మాటల వరకు బాగానే ఉన్న ఉప ముఖ్యమంత్రి  అజిత్  పవార్ లో సడన్ గా  శ్రుంగార జ్వాలా రగిలింది. అంతే  డ్యాంలో మమ్మల్ని  మూత్రం పోయమంటారా. దీక్షలు చేస్తే డ్యాంలో నీళ్లు వస్తాయా?  తాగేందుకు నీళ్లు లేకుంటే  మూత్రం పోయడం కూడా సాధ్యంకాదు అని రైతుల ముందు హేళనగా మాట్లాడారు.  అంతేకాకుండా  అసలు  కరెంటు లేకపోతే ఏం.? ఆ పని మాత్రం  ఆగదుగా? రాత్రుల్లో లైట్లు తీసేశాక  ఎక్కువ మంది పిల్లలు పుడతున్నారు. చీకట్లో అంతకన్నా మరో పని లేదు. ఉప ముఖ్యమంత్రి  మహారాష్ట్రలో ఉన్న నీటి కొరత,  విద్యుత్  కోతలపై  చేసిన వ్యాఖ్యలు.  ఉప ముఖ్యమంత్రి నోటి దురుసు ను అన్ని రాజకీయ పార్టీలు ఖండించాయి. మహారాష్ట్రలో  అన్ని చోట్లు నిరసనలు వెల్లువెత్తున్నాయి. వెంటనే ఉప ముఖ్యమంత్రి  రైతులకు క్షమాపణలు చెప్పాలని  రైతులు కోరుతున్నారు.  ఇలాంటి నాయకులను రాజకీయల నుండి బహిష్కరించాలని అన్ని రాష్ట్రాల రైతులు డిమాండ్ చేస్తున్నారు.