Posted: 04/04/2013 07:59 PM IST

కాంగ్రెస్ పార్టీ ఎంపీ మధుయాష్కి తెలంగాణ ప్రజలకు సరికొత్త సంకేతాలను పంపించినట్లు తెలుస్తోంది. 2014 ఎన్నికల్లో కాంగ్రెస్ పార్టీ వేసే అడుగులు, పొత్తుల గురించి  ఎంపీ మధుయాష్కి తెలంగాణ ప్రజలకు వివరించారు. తెలంగాణ ప్రజల కోసమే పుట్టిన పార్టీగా చెప్పుకునే  తెలంగాణ రాష్ట్ర సమితి పార్టీ. రాబోయో రోజుల్లో  ఆ పార్టీ యొక్క పాలసీలు ఏమిటో కూడా  మధుయాష్కి వివరించారు. కాంగ్రెస్ పార్టీ తో  కేసిఆర్ కుదుర్చుకుంటున్న చీకటి ఒప్పందం పై మధుయాష్కి తెలంగాణ ప్రజలకు చెప్పటం జరిగింది.  కాంగ్రెస్ పార్టీ తోనే తెలంగాణ వస్తుందని  ఎంపీ  అంటున్నారు. అంతేకాకుండా కేసిఆర్ పై కొన్ని విమర్శలు చేసినట్లు తెలుస్తోంది. తెలంగాణ రాష్ట్ర సమితి అధ్యక్షుడు కేసిఆర్  వచ్చే ఎన్నికల గురించి ఆలోచించడం మానుకొని ప్రత్యేక తెలంగాణ సాధనపై దృష్టిపెట్టాలని కాంగ్రెస్ ఎంపీ మధుయాష్కి సూచించారు. ముందస్తు ఎన్నికలతో సంకీర్ణ ప్రభుత్వాలు వస్తాయని కేసీఆర్ చెప్పడం హాస్యాస్పదమని ఆయన అన్నారు. భవిష్యత్‌లో రాష్ట్రంలో కేసీఆర్ ఎవరితో పొత్తు పెట్టుకుంటారో  అందరికి తెలుసునని మధుయాష్కి అన్నారు.  తెలంగాణ ప్రజలకు కేసిఆర్ వల్ల ఏమి ఉపయోగం లేదని ఆయన అన్నారు.  ఎంపీ మధుయాష్కి సచివాలయంలో ముఖ్యమంత్రి కిరణ్‌కుమార్‌రెడ్డి కలుసుకున్నారు. అనంతరం ఆయన మాట్లాడుతూ తెలంగాణలో కాంగ్రెసు, టిడిపిని బొంద పెట్టాలంటే వచ్చే ఎన్నికల తర్వాత వైయస్సార్ కాంగ్రెస్ పార్టీతో కెసిఆర్ వెళతారా ప్రజలకు వివరించాలన్నారు. తెలంగాణకు వ్యతిరేకంగా ఉన్న జగన్ పార్టీతో ఎలా వెళ్తారని ఆయన ప్రశ్నించారు. తెలంగాణ రాష్ట్ర సమితి (టీఆర్ఎస్) కాంగ్రెస్‌లో విలీనం అయితే ప్రత్యేక తెలంగాణ రాష్ట్రం వస్తుందని మధుయాష్కి పేర్కొన్నారు. అలాగైతే జులై, ఆగస్టులలో తెలంగాణపై ప్రకటన వస్తుందని ఆయన ఆశాభావం వ్యక్తం చేశారు. సంకీర్ణ ప్రభుత్వాలతో తెలంగాణ రాదని చెప్పారు. వైఎస్సార్ కాంగ్రెస్ పార్టీని అధికారంలోకి తేవడానికి దివంగత వైఎస్ ఆత్మబంధువు, రాజ్యసభ సభ్యుడు కేవీపీ రామచంద్రరావు శకుని పాత్ర పోషిస్తున్నారని మధుయాష్కి ధ్వజమెత్తారు.