Posted: 01/30/2013 07:49 PM IST

ప్రముఖ నటుడు కమల్ హాసన్ తమిళనాడు ముఖ్యమంత్రి  జయలలిత మద్య  సినిమా యుద్దం నడుస్తోంది.  ఆయన నటించిన  విశ్వరూపం సినిమా పై  జయలలిత ఫిటిషన్ దాఖలు చేయటంతో  కొత్త వివాదం తెరపైకి వచ్చింది. దీంతో కమల్ హాసన్ కన్నీరు పెట్టుకోవటం జరిగింది. ప్రముఖ నటుడు, నిర్మాత, దర్శకుడు అయిన కమల్ హాసన్‌కు మద్రాస్ హైకోర్టులో చుక్కెదురైంది. ఆయన నిర్మించిన 'విశ్వరూపం' చిత్రం విడుదలపై విచారణ జరిపిన కోర్టు స్టే విధించింది. ఫిబ్రవరి 4వ తేదీన కమల్ స్వయంగా కోర్టుకు హాజరై సమాధానం చెప్పాలని ఆదేశాలు జారీ చేసింది. దీంతో కోర్టు తీర్పును సవాల్ చేస్తూ కమల్ సుప్రీం కోర్టును ఆశ్రయించనున్నట్లు తెలిపారు.  విశ్వరూపం చిత్రం తమిళనాడులో విడుదలైంది. అయితే శాంతిభద్రతల దృష్ట్యా కొన్నిచోట్ల ప్రదర్శనను అధికారులు నిలిపివేశారు. మరోవైపు విశ్వరూపం చిత్ర విడుదలపై మద్రాస్ హైకోర్టు సింగిల్ జడ్జి ఇచ్చిన తీర్పుపై ఆరాష్ట్ర ప్రభుత్వం రివ్యూ పిటిషన్ దాఖలు చేసింది. దీనిపై విచారణ జరిపిన కోర్టు ఈ మేరకు తీర్పు నిచ్చింది.

కమల్ హాసన్ నటించిన  విశ్వరూపం వివాదంపై కమల్  కంటతడి పెట్టాడు. విశ్వరూపం చిత్రం కోసం తన ఇల్లు, ఆస్తుల్ని మొత్తం తాకట్టు పెట్టానని కమల్‌ హాసన్‌ కన్నీటి పర్యంతమయ్యారు. తాను ఉండేందుకు వేరే రాష్ట్రం చూసుకోవాల్సిన పరిస్థితి ఏర్పడిందని ఆయన భావోద్వేగానికి గురయ్యారు. దేశంలో చోటు దొరక్కపోతే వేరే దేశానికి వెళ్లడం ఒక్కటే మార్గమని కమల్ హాసన్ ప్రెస్ మీట్ లో ఆవేదన వ్యక్తం చేశారు.  విశ్వరూపం సినిమా విడుదలను అడ్డుకోవడం బాధ కలిగిస్తోందని కమల్ అన్నారు. తమిళనాడు రాష్ట్రం తనను వెళ్లగొట్టాలని చూస్తోందని తెలిపారు. మరో వైపు విశ్వరూపం సినిమాపై స్టే ఎత్తివేస్తూ మద్రాసు హైకోర్టు ఇచ్చిన ఆదేశాల్ని జయలలిత సర్కారు సవాల్‌ చేసింది. హైకోర్టు డివిజన్‌ బెంచ్‌ ఈ మధ్యాహ్నం కేసును పరిశీలించనుంది. అటు సింగిల్‌ జడ్జి ఆదేశాలున్నా తమిళనాడులో విశ్వరూపం సినిమాను నిలిపివేశారు. కోర్టు ఉత్తర్వు కాపీని చూపిస్తే సినిమా ప్రదర్శనను అనుమతిస్తామని తెలిపారు.