Posted: 01/30/2013 02:10 PM IST

మమ్మల్ని రెచ్చగొడితే  రెచిపోతాం?  మేమూ కారం, రాగి సంగటి తింటున్నాం, మాకు రోషం ఉందని  సమైక్యవాదులు రెచ్చిపోయారు. రాష్ట్ర విభజనకు వ్యతిరేకంగా సమైక్యవాదం గర్జించింది.   విద్యార్థులు, ప్రజలు  సమైక్య నినాదాలతో హోరెత్తించారు. స్వార్థం కోసం  తెలంగాణ ఉద్యమం నడిపిస్తున్న కేసిఆర్  వైఖరిని  తూర్పరపట్టారు.  తెలంగాణ  ఉద్యమం పేరుతో  కేసిఆర్  విద్యార్థుల  ప్రాణాలతో  చెలగాడం  ఆడుతున్నారని  దీనిని మానుకోవాలని, రాష్ట్రంను సమైక్యంగా  వుంచాలని  వ నినాదించారు.  రాష్ట్ర విభజనకు  వ్యతిరేకంగా  సమైక్యాంధ్రప్రదేశ్ కు  మద్దతుగా  ఎమ్మెల్యే సీకె బాబు  విద్యార్థులు, ప్రజలు చేస్తున్న ర్యాలీలో పాల్గొన్నారు. ఈ నేపథ్యంలో ఎమ్మెల్యే సికే బాబు   మాట్లాడుతూ  కొంత మంది స్వార్థం కోసం తెలంగాణ ఉద్యమం  ప్రారంబిస్తే   ఇప్పుడు  కేంద్ర ప్రభుత్వం  సరైన నిర్ణయం తీసుకోకుండా  ఇరు ప్రాంతాల ప్రజల్లో చిచ్చు పెట్టడానికి  ప్రయత్నం చేస్తుందన్నారు.  రాయలసీమ  వారిని  రెచ్చగొడితే  రెచ్చిపోయి   అంతుచూస్తామని  సీకె బాబు  హెచ్చరించారు.  ప్రత్యేక తెలంగాణ  ఏర్పాడితే బాగుపడిపోతామని తెలంగాణ  వాదులు భావిస్తున్నారని , సీమాంధ్ర  ఏర్పాడితే  నష్టపోతామని  ఇక్కడి వాసులు  అంటున్నారు. 

అయితే  ప్రత్యేక  తెలంగాణ ఏర్పాటైతే  తెలంగాణ భారీగా  నష్టపోతుందని, సీమాంధ్ర ఏర్పాటు  చేస్తే  దాని మనుగడ కష్టమని  ప్రస్తుతం  వున్న  తరహాలోనే  రాష్ట్రం సమైక్యంగా  వుండాలని  సికె బాబు స్పష్టం చేశారు. రాజకీయ పార్టీల వెనుక వున్న శక్తులతోనే రాష్ట్రం అగ్నిగుండంగా  మారుతోందని  ఆవేశంగా  అన్నారు. ఉద్యమం పేరుతో   రాష్ట్రాన్ని  విడగొట్టడానికి  కొన్ని దుష్టశక్తులు ప్రయత్నిస్తున్నాయని  దీనిని  అడ్డుకోవడానికి , దానికి  రెండింతల  ఉత్సహంతో  ఇక్కడి  నుండి సమైక్య ఉద్యమం ప్రారంభిస్తున్నట్లు సీకే బాబు  ప్రకటించారు.