Posted: 01/22/2013 11:41 AM IST

తెలంగాణ రాష్ట్రం పై కేంద్రం వైఖరి ఎలా ఉందో అంచనా వేసేందుకు న్యూ డెమాక్రసీ సీపీఐ (ఎంఎల్ ) రాజకీయ పార్టీలు, ప్రజా సంఘాలతో ఏ సమావేశాన్ని ఏర్పాటు చేశారు. న్యూడెమోక్రసీ రాష్ట్ర కార్యదర్శివర్గ సభ్యుడు పి. సూర్యం అధ్యక్షతన జరిగిన ఈ సమావేశంలో తెలంగాణ జేఏసీ ఛైర్మెన్ కోదండరామ్ కూడా పాల్లొన్నారు. ఈ సందర్భంగా ఆయన మాట్లాడుతూ.... తెలంగాణ రాష్ట్రాన్ని సాధించుకునేందుకు అనుసరించే పోరాట రూపాలపై తమ వైఖరి మారుతోందని తెలంగాణ రాజకీయ జేఏసీ చైర్మన్ ప్రొఫెసర్ కోదండరాం స్పష్టం చేశారు. ఇప్పటిదాకా ప్రజాస్వామ్యయుత పోరాటాన్నే చూశారని, ఇకపై శాంతియుత మిలిటెంట్ పోరాటాలు చేయాలని ఆయన పిలుపునిచ్చారు.

ఇకపై ప్రత్యేక రాష్ట్రాన్ని అడ్డుకుంటున్న సీమాంధ్ర నేతల ఆర్థిక మూలాలపై పోరాటం చేయాలన్నారు. ఈనెల 28 తర్వాత తెలంగాణ ఉద్యమాన్ని తీవ్రతరం చేస్తామని, జేఏసీతో కలిసి పోరాటాల్లో పాల్గొంటామని సీపీఐ నేత చాడ వెంకటరెడ్డి ప్రకటించారు. ప్రత్యేక ఆంధ్ర రాష్ట్రం కోసం ముందుకొచ్చిన కాంగ్రెస్ ఎంపీ ఉండవల్లి అరుణ్‌కుమార్‌కు సంఘీబావం తెలపాలని ప్రొఫెసర్ హరగోపాల్ పిలుపునిచ్చారు. 28న తెలంగాణ ప్రకటించకపోతే మిలిటెంట్ పోరాటాలు నిర్వహించాలని ఆయన పిలుపునిచ్చారు.