Posted: 01/08/2013 11:47 AM IST

అమ్మాయిలు  ఆకతాయిలు కారుకూతలు కూస్తే .. కంట్లో కారం కొట్టండి అని గుంటూరు రూరల్  ఎస్సీ  రవిక్రిష్ణ అమ్మాయిలకు భరోసా ఇచ్చారు.  కర్టాటక డిప్యూటీ  సీఎం  ఆర్. అశోక్  మాత్రం అత్యాచారాల బారినుంచి  అమ్మాయిలు  ఏ విధంగా తప్పించుకోవాలో తెలియజెప్పే ఒక కరపత్రాన్ని బెంగళూరు వీధుల్లో ఆయనే స్వయంగా పంచిపెట్టారు. ఇప్పుడు  హైదరాబాద్ డీజీపీ  దినేష్ రెడ్డి  మాత్రం  అమ్మాయిలకు మనోధైర్యాన్ని  పంచారు.   మీరు ఒంటరిగా వెళ్తున్నప్పుడు  లేదా మిమ్మల్ని  లక్ష్యంగా  చేసుకుని  దుర్మార్గుల దాడి  చేసేందుకు  ప్రయత్నించినా, అత్యాచారయత్నం చేసినా  ఆత్మరక్షణ  కోసం  వారిని  చంపేందుకు  కూడా వెనకాడకండి.  మీ పై కేసులు  నమోదైనా  జరిగిన  పరిణామాల నేపథ్యాన్ని నమోదు చేస్తాం అని   డీజీపి  దినేష్ రెడ్డి  మహిళలకు దైర్యం చెప్పారు.    ఢిల్లీలో  జరిగిన  అత్యాచారం  ఘటన  నేపథ్యంలో  హైదరాబాద్ లో, ముఖ్యంగా సైబరాబాద్ లో అన్ని  జాగ్రత్తలు  చేపట్టాం.  ఎంఎంటీఎస్  రైల్వే స్టేషన్ల  వద్ద  భద్రత  కల్పిస్తాం. పోలీస్  పెట్రోలింగ్  పెంచనున్నాం.  ఆకతాయి  వేధింపులు  అరికట్టేందుకు  మారువేషాల్లో  వస్తాం అని ఆయన తెలిపారు.

 మాధాపూరల్ లోని  ద వి ఐటీ పార్క్ లో   జరిగిన  ఐటీ ఉద్యోగులతో డీజీపీ  ముఖాముఖి కార్యక్రమంలో  ఆయన మాట్లాడారు.  మహిళా ఐటీ  ఉద్యోగులు, వ్రుత్తి నిపుణులు అడిగిన ప్రశ్నలకు  సమాధానాలిచ్చారు.    ఈ సందర్భంగా  ఒక వ్రుత్తి నిపుణురాలు  మమ్మల్ని  రక్షించుకొనేందుకు   ఆత్మరక్షణ కోసం ఎంతవరకు  వెళ్లొచ్చు అని ప్రశ్నించారు.  ‘ యూ కెన్ కిల్’  అని  డీజీపీ  సమాధానం  ఇచ్చారు.   దేశంలోని  ఇతర ఐటీ నగరాలతో పోలిస్తే  సైబరాబాద్ లోనే  రక్షణ చర్యలు  పటిష్ఠంగా  ఉన్నాయాని తెలిపారు.   అయితే ఉగాది నుంచి ఆకతాయిలపై  మహిళల ఫిర్యాదుల కోసం కేంద్రీక్రుత  ఫోన్  వ్యవస్థను  ప్రారంభించనున్నామని  వెల్లడించారు. హైదరాబాద్  అమ్మాయిలకు, మహిళలకు, మహిళ ఉద్యోగులకు  డీజీపి  మంచి వరం ప్రసాదించారని  నగర మహిళలు చెప్పుకుంటున్నారు.