Posted: 12/22/2012 09:15 AM IST

దివంగత ముఖ్యమంత్రి వైఎస్‌ రాజశేఖర రెడ్డికి ప్రియ శిష్యుడు, వైఎస్‌ కార్మిక శాఖ మంత్రి దానం నాగేందర్‌ వైయస్ ఆశీస్సులతో  పైకి వచ్చిన ఆయన త్వరలో వైయస్సార్ కాంగ్రెస్ పార్టీలోకి జంప్ చేయబోతున్నారా ? అంటే అవుననే అంటున్నాయి రాజకీయ వర్గాలు. ఈయన 2014 ఎన్నికలకు ముందే వైయస్సార్ కాంగ్రెస్ పార్టీలో చేరేందుకు రంగం సిద్ధం చేసుకుంటున్నట్లు సమాచారం. ఈ మేరకు ఆ పార్టీకి సూచాయగా సంకేతాలు కూడా పంపారు. ప్రజా ప్రస్థానం యాత్రలో గాయపడి కాలుకి శస్ర్త చికిత్స చేయించుకున్న షర్మిళను త్వరలో కలుస్తానని, ఆమె తనకు చెల్లెలు వంటిదని, ఆమెను కలవడంతో తప్పేమి లేదని తాజాగా ఆయన వెల్లడించారు. ఇక వైయస్ ఇప్పటికీ నా గుండెల్లోనే ఉన్నారని, రానున్న ఎన్నికల్లో తాను ఖైరతాబాద్ నుండే పోటీ చేస్తానని అన్నారు. అయితే ఈయన ఏ పార్టీ నుండి పోటీ చేస్తానని చెప్పక పోవడం పలు అనుమానాలకు తావిస్తొంది.

వైఎస్‌ కోసం ఎమ్మెల్యే పదవికి రాజీ నామా చేసి, ఎన్నికల్లో పోటీ చేసి ఓడిన నాగేందర్‌కు ఇప్ప టికీ వైఎస్‌ వర్గీయుడిగానే ముద్ర ఉంది. ఆయన వల్ల రాజ కీయంగా, ఆర్ధికంగా లబ్థిపొందిన నాగేందర్‌ భవిష్యత్తు రాజకీయ పరిస్థితిని ముందే అంచనా వేసి వైయస్సార్ సీపీలో చేరేందుకు సిద్దం అయినట్లు తెలుస్తుంది. అయితే దానం చేసిన వ్యాఖ్యలు రాష్ట్ర పార్టీ ఇన్చార్జి గులాం నబీ ఆజాద్‌కు నమ్మిన బంటుగా ఉన్న నాగేందర్‌ చేసిన వ్యాఖ్యలు అటు ఆజాద్‌ నూ ఇరుకున పెట్టినట్టయింది. అవినీతి కేసులో జైల్లో శిక్ష అనుభవి స్తోన్న మాజీ మంత్రి మోపిదేవి వెంకటరమణను కాపాడు కుంటామన్న మరో సంచలన వ్యాఖ్యలు చేయడం పార్టీలో చర్చనీయాంశమయింది. మంత్రి ధర్మాన ప్రసాదరావును ప్రాసిక్యూషన్‌కు అనుమతించవద్దన్న మంత్రివర్గ తీర్మా నాన్ని గవర్నర్‌ నరసింహన్‌ తిప్పి పంపించిన నేపథ్యంలో దానం చేసిన ఈ వ్యాఖ్యలు ప్రాధాన్యం సంతరించుకున్నాయి.  గత ఎన్నికల్లో మజ్లిస్‌తో పొత్తు వల్ల మైనారిటీ ఓట్ల తో విజయం సాధించిన నాగేందర్‌కు ఈసారి మజ్లిస్‌ మద్ద తు కాంగ్రెస్‌ ఉండదన్న విషయం తెలిసినందుకే జగన్‌ పార్టీలో చేరాలని భావిస్తున్నట్లు రాజకీయ వర్గాలు అంటున్నారు. దానం కాంగ్రెస్ నుండి జంప్ అవడం కొంత దెబ్బే అంటున్నారు.