Posted: 11/03/2012 01:07 PM IST

టీడీపీ వ్యవస్థాపక సభ్యుడు ఎర్రన్నాయుడు అంతిమయాత్ర కన్నీటి మధ్య ఈరోజు ఉదయం ప్రారంభమైంది. నిమ్మాడలోని ఇంటి వద్ద నుంచి ఆశేష ప్రజానీకం మధ్య అంతిమయాత్ర కొనసాగుతోంది. అంతిమ యాత్రలో పార్టీ అధినేత చంద్రబాబునాయుడు, లోకేష్, పలువురు రాజకీయ ప్రముఖులు పాల్గొన్నారు. ఎర్రన్నాయుడు పార్థివదేహం ఉన్న వాహనంలో చంద్రబాబు స్మశాన వాటికకు వెళ్లారు. టీడీపీ సీనియర్ నేత ఎర్రన్నాయుడు అంత్యక్రియలు నిమ్మాడలోని వ్యవసాయక్షేత్రంలో  జరిగాయి. ఎర్రన్నాయుడు కుమారుడు ఆయన చితికి నిప్పుపెట్టారు. ప్రభుత్వ అధికార లాంఛనాలతో ఎర్రన్నాయుడు పార్థివదేహం వద్ద పోలీసులు గౌరవవందనం సమర్పించారు. గాల్లోకి మూడు రౌండ్లు కాల్పులు జరిపారు. అంతిమ కార్యక్రమంలో టీడీపీ అధినేత చంద్రబాబునాయుడు, లోకేష్, పలువురు రాజకీయ ప్రముఖులతో పాటు, ఎర్రనాయుడు సహచర మిత్రుడు నాగం జనార్ధన్‌రెడ్డి, హరీశ్వర్‌రెడ్డి, కాంగ్రెస్ ఎంపీ మధుయాష్కి పాల్గొన్నారు.  జననేత కడసారి చూపు కోసం భారీగా అభిమానులు, కార్యకర్తలు తరలివస్తున్నారు. భారీగా తరలివచ్చిన అభిమానులు, కార్యకర్తలు ప్రియనేతకు కన్నీటి వీడ్కోలు పలికారు.