కామన్ బాయ్ ఫ్రెండ్ కోసం ఇద్దరు యువతుల మధ్య గొడవ..

Posted: 08/29/2022 02:03 PM IST

ఒక అమ్మాయి కోసం ఇద్దరు అబ్బాయిలు గొడవ పడటం మనం సాధారణంగా చూస్తూవుంటాం. అప్పుడప్పుడు ఈ గోడవలు తీవ్రరూపం కూడా దాల్చి ఒకరిపై మరోకరు దాడులకు కూడా పాల్పడుతుంటారు. ఇలాంటి ఘటనలు కూడా వింటూనేవున్నాం. అయితే ఒక బాయ్‌ఫ్రెండ్ కోసం ఇద్ద‌ర‌మ్మాయిలు కొట్టుకోవ‌డం తరచుగా సినిమాల్లో, టీవీ సీరియ‌ల్స్‌లో చూస్తుంటాం. ఇటీవల ఓ అబ్బాయి కోసం ఓ పాఠశాలకు చెందిన ఇదురు అమ్మాయిలు పోట్లాడగా, వారి స్నేహితులు కూడా ఘర్షణకు దిగిన ఘటనను కర్ణాటకలో చోటుచేసుకుంది.  

ఇక తాజాగా ఇలాంటిదే మరో ఘటన మహారాష్ట్రలోనూ చోటుచేసుకుంది. మ‌హారాష్ట్ర‌లోని పైటాన్ జిల్లాలో ఇద్దరు అమ్మాయిలు ఒక అబ్బాయి కోసం పోట్లాడుకున్నారు. అయితే ఈ అమ్మాయిలు ఇద్దరూ మైనర్లే కావడం గమనార్హం. సినిమాలు, సీరియళ్లు, దీనికి తోడు ఓటిటీ యాప్స్ లోని వెబ్ సిరీస్ లు ఇవన్నీ అభంశుభం ఎరుగని అమాయక హృదయాలపై ఎంతటి ప్రభావాన్ని చూపుతున్నాయో.. ఈ ఘటనలను బట్టి ఇట్టే అర్థం చేసుకోవచ్చు. ఇక తెలిసీతెలియని వయస్సులో తమ గురించి ఎదుటివారు ఎలా అర్థం చేసుకుంటారన్న విషయాన్ని కూడా మర్చిపోయిన ఆ అమ్మాయిలు.. జనం గురించి కూడా పట్టించుకోకుండా జ‌న‌స‌మ్మ‌ర్ధంతో నిండిన బ‌స్టాండ్‌ తగువులాడటం విస్మాయానికి గురిచేసింది.

సినీ ఫ‌క్కీలో జ‌రిగిన ఈ ఘ‌ట‌నతో అక్క‌డున్న వారంతా అవాక్క‌య్యారు. బాయ్‌ఫ్రెండ్‌తో క‌లిసి ఓ అమ్మాయి బ‌స్టాండ్‌కు వ‌చ్చింది. ఈ విష‌యం తెలిసిన మ‌రో అమ్మాయి అత‌డి కోసం బ‌స్టాండ్‌కు చేరుకుంది. బ‌స్టాండ్‌లో అమ్మాయిల మ‌ధ్య వాగ్వాదం ముదిరి వివాదానికి దారి తీసింది. ఇద్ద‌రూ ఘ‌ర్ష‌ణ ప‌డుతుండ‌గా ఇదే ఛాన్స్ అంటూ బాయ్‌ఫ్రెండ్ అక్క‌డి నుంచి జారుకున్నాడు. బ‌స్టాండ్‌లో న్యూసెన్స్ చేస్తుండ‌టంతో అమ్మాయిలిద్ద‌రినీ అధికారులు పోలీస్ స్టేష‌న్‌కు తీసుకెళ్లారు. బాయ్‌ఫ్రెండ్ కంటే లైఫ్‌లో ఎన్నో ముఖ్య‌మైన విష‌యాలు ఉంటాయ‌ని వారికి కౌన్సెలింగ్ ఇచ్చి ఆపై విడుద‌ల చేశారు. అమ్మాయిలు ఇద్ద‌రికీ దాదాపు 17 ఏండ్ల వ‌య‌సు ఉంటుంద‌ని వారికి కౌన్సెలింగ్ ఇచ్చి విడిచిపెట్టామ‌ని అధికారులు తెలిపారు.