తెలంగాణలో రానున్న మూడు రోజులపాటు భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. ఈ మేరకు ప్రకటన జారీ చేసింది. తెలంగాణలోని పలు జిల్లాల్లో మోస్తరు నుంచి భారీ వర్షాలు కురిసే అవకాశం ఉందని పేర్కొంది. ఉత్తర-దక్షిణ ద్రోణి ఛత్తీస్గఢ్ నుంచి తెలంగాణ, దక్షిణ కోస్టల్ ఆంధ్రప్రదేశ్, తమిళనాడు మీదుగా సగటు సముద్రమట్టం నుంచి 1.5కి.మీ ఎత్తు వరకు కొనసాగుతుందని వివరించింది. ఫలితంగా రాష్ట్రవ్యాప్తంగా పలుచోట్ల వర్షాలు కురుసే అవకాశం ఉందని పేర్కొంది. రాష్ట్రంలో అక్కడక్కడ ఉరుములు మెరుపులతో కూడిన వర్షాలు పడొచ్చని హైదరాబాద్ వాతారణ శాఖ తెలిపింది.
చాలా చోట్ల తేలికపాటి నుంచి మోస్తరు వానలు పడతాయని.. అనేకచోట్ల భారీవర్షాలు కురిసే అవకాశం ఉందని వివరించింది. ఈమేరకు పలు జిల్లాలకు ఎల్లో అలర్ట్ జారీచేసింది. భదాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, భువనగిరి, రంగారెడ్డి, వికారాబాద్, మహబూబాబ్ నగర్, నాగర్ కర్నూల్, వనపర్తి, నారాయణపేట, జోగులాంబ గద్వాల జిల్లాల్లో భారీ వర్షాలు పడే అవకాశం ఉంది. ఇక హైదరాబాద్ లో ఆకాశం సాధారణంగా మేఘావృత్తమైన ఉంటుందని పేర్కొంది. నగరంలోని పలు ప్రాంతాల్లో తేలికపాటి నుంచి మోస్తరు వర్షం పడే అవకాశముందని తెలిపింది. వాయువ్య ఉత్తర దిశలనుంచి గాలులు వీచే అవకాశం ఉందని తెలిపింది. ఇదిలాఉండగా ఉత్తర భారతం భారీ వర్షాలతో అల్లాడిపోతోంది.
భారీ వర్షాలతో గతవారమంతా అల్లాడిపోయిన ఉత్తరాఖండ్, ఒడిశా ప్రజలకు ఐఎండీ అధికారులు మరో పిడుగులాంటి వార్తను అందించారు. ఆయా రాష్ట్రాల్లో భారీ వర్షాలు కురుస్తాయని చెబుతూ.. ప్రజలు అప్రమత్తంగా ఉండాలని యెల్లో అలర్ట్ జారీ చేసింది. అదే సమయంలో.. రాజస్థాన్లో వర్షాలు కాస్త శాంతించే అవకాశం ఉందని స్పష్టం చేసింది. మహానది, సురనరేఖ నదుల ఉద్ధృతి వల్ల ఏర్పడిన వరదల నుంచి ఒడిశా ఇంకా కోలుకోలేదు. మయూర్భంజ్, బాలాసోర్, కియోఝర్, కటక్, జైపూర్, భద్రక్, బౌధ్, నయాగఢ్, ఖుర్ద, రాయగడ, కోరపుట్, మల్కన్గిరి, నబరంగ్పూర్, గజపతి, గంజమ్, అంగుల్లో భారీ వర్షాలు కురుస్తాయని చెబుతూ.. యెల్లో అలర్ట్ని ఇచ్చింది.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more