కాశ్మీర్ టీవీ నటిని కాల్చిచంపిన ఉగ్రవాదులు.. మేనల్లుడికి గాయాలు

Posted: 05/26/2022 12:28 PM IST

Kashmir tv artiste amreen bhat shot dead by letterrorists in budgam

జమ్మూకశ్మీర్‌లో ఉగ్రవాదులు మరోమారు దారుణానికి తెగబడ్డారు. ఇలీవల కాశ్మీర్ పండిత్ ను తాను ఉద్యోగం చేస్తున్న కార్యాలయానికి వెళ్లి పాయింట్ బ్లాంక్ లో తుపాకీని గురిపెట్టి కాల్చిచంపిన ఘటనను మరువకముందే అలాంటి మరో ఘటనకు పాల్డడి.. తమ ఉనికి చాటుకునే ప్రయత్నం చేశారు. కాశ్మీర్ లో నివాసముంటున్న ఓ టీవీ నటిని కాల్చి చంపారు. బుద్గాం జిల్లా చదూర ప్రాంతంలో గత రాత్రి 8 గంటల సమయంలో ఈ ఘటన చోటుచేసుకుంది. టీవీ నటి అయిన అమ్రీన్ భట్ (35)ను ఉగ్రవాదలు కాల్పుల జరిపి హతమార్చారు.

పదేళ్ల వయసున్న తన మేనల్లుడితో కలిసి అమె తన ఇంటి బయట ఉన్న సమయంలో లష్కరే తోయిబాకు చెందిన ముగ్గురు ఉగ్రవాదులు ఆమెపై కాల్పులు జరిపారు. మెడలోంచి బుల్లెట్ దూసుకెళ్లడంతో అమ్రీన్ అక్కడికక్కడే కుప్పకూలిపోయారు. ఆమె మేనల్లుడు ఫర్హాన్ జుబైర్ చేతికి బుల్లెట్ గాయాలయ్యాయి. వీరిద్దరిని వెంటనే సమీపంలోని ఆసుపత్రికి తరలిస్తుండగా మార్గమధ్యంలోనే అమ్రీన్ ప్రాణాలు కోల్పోయారు. ఫర్హాన్‌కు చికిత్స అందిస్తున్నారని, అతడి ఆరోగ్యం నిలకడగానే ఉందని వైద్యులు తెలిపారు. ఈ ఘటనతో అప్రమత్తమైన పోలీసులు ఉగ్రవాదుల కోసం వేట ప్రారంభించారు.

అయితే అమ్రీన్ ను ఉగ్రవాదలు హతమార్చడానికి గల కారణాలు మాత్రం తెలియరాలేదు. అయితే వేర్పాటువాది యాసిన్ మాలిక్ కు కాశ్మీర్ కోర్టు జీవిత ఖైదు విధించిన క్రమంలో దానికి ప్రతీగానే అమ్రీన్ హత్య చేసినట్టు సమాచారం. కాగా, అమ్రీన్‌కు టిక్‌టాక్, యూట్యూబ్‌లలో మంచి ఫాలోయింగ్ ఉంది. ఆమె వీడియోలకు పెద్ద ఎత్తున వ్యూస్ వస్తుంటాయి. మరోవైపు, నిన్న బారాముల్లా జిల్లాలోని ఖేరీ ప్రాంతంలో జరిగిన ఎన్‌కౌంటర్‌లో పాక్ ప్రేరేపిత ఉగ్రవాద సంస్థ జైషే మహ్మద్‌కు చెందిన ముగ్గురు ఉగ్రవాదులు హతమవగా ఓ పోలీసు వీరమరణం పొందాడు.