ITEMVIDEOS: ‘‘హుజూరాబాద్ టీఆర్ఎస్ టికెట్ నాకే’’: కౌశిక్ రెడ్డి అడియో వైరల్

Posted: 07/12/2021 11:47 AM IST

Trs ticket is conformed to me padi kaushik reddy alleged audio recording goes viral

మాజీ మంత్రి ఈటల రాజేంద‌ర్ తన మంత్రి పదవితో పాటు శాసనసభ సభ్యత్వానికి టీఆర్ఎస్ పార్టీకి రాజీనామా చేయ‌డంతో ఖాళీ అయిన హుజూరాబాద్ ఎమ్మెల్యే స్థానానికి త్వ‌ర‌లో ఉప‌ ఎన్నిక జ‌ర‌గనున్న విషయం తెలిసిందే. బీజేపిలో చేరిన ఈటెల మరోమారు తనను బలపర్చాలని, ఆశీర్వదించాలని కోరుతూ హుజూరాబాద్ ప్రజలను కోరుతూ ఇప్పటికే జోరుగా ప్రచారాన్ని నిర్వహిస్తున్నారు. రాష్ట్రంలో అధికారంలో వున్న టీఆర్ఎస్ పార్టీలపై ఇప్పటికే విమర్శలను కూడా గుప్పిస్తున్నారు. ఈటెలను ఎదుర్కోనే బలమైన నేత కోసం అధికార పార్టీ చేతులెత్తేసింది.

ఈ క్రమంలో అధికార పార్టీ మిమాంసలో పడింది. తమ పార్టీలో ఈటెలను ఎదురించే స్థాయి నాయకుడు ఎవరూ లేరని గ్రహించిన టీఆర్ఎస్.. వలస నేతను తమ తరపున రంగంలోకి దింపనుందని పాలని యోచనలో వుంది. ఈ నేప‌థ్యంలో కాంగ్రెస్ నేత పాడి కౌశిక్‌రెడ్డికి సంబంధించి ఓ ఫోన్ సంభాష‌ణ బ‌య‌ట‌కు వ‌చ్చింది. ఓ కార్యకర్తతో ఫోన్ లో ఆయ‌న మాట్లాడుతూ టీఆర్ఎస్ నుంచి పోటీచేయ‌డానికి ఆ టికెట్‌ తనకే ఖ‌రారైన‌ట్లు తెలిపారు. ఎన్నిక నేప‌థ్యంలో యువతకు ఎంత డబ్బు కావాలో తాను చూసుకుంటానని అన్నారు. ఒక్కొక్క‌రికీ 2 లేక 3 వేల రూపాయ‌ల చొప్పున‌ ఇస్తానని అన్నారు.

దీనిపై కాంగ్రెస్‌ మండల అధ్యక్షుడు రాజిరెడ్డిని కలవాలని ఆ కార్య‌క‌ర్త‌కు కౌశిక్‌రెడ్డి చెప్పారు. కాగా, ఇటీవలే మంత్రి కేటీఆర్ ను కూడా కౌశిక్‌రెడ్డి కలిశారు. కౌశిక్ రెడ్డి ఆడియో వైరల్ అవుతుండడం క‌ల‌క‌లం రేపుతోంది. హుజూరాబాద్ ఉప ఎన్నిక‌ను అన్ని ప్ర‌ధాన పార్టీలు ప్రతిష్ఠాత్మ‌కంగా తీసుకుంటున్నాయి. ప్ర‌జ‌ల మ‌ద్ద‌తు కూడ‌గ‌ట్ట‌డానికి ప్ర‌య‌త్నాలు జ‌రుపుతున్నాయి. గతంలో హుజురాబాద్‌ అసెంబ్లీ స్థానం నుంచి పోటీ చేసి ఈటల చేతిలో కౌశిక్ రెడ్డి ఓడిపోయారు. ఇక ఈ సారి ఎన్నికలలో ఆయనను ఎలాగైనా ఢీకొట్టాలని.. దుబ్బాక పరిణామాలు ఇక్కడ పునరావృతం కాకుండా చర్యలు తీసుకోవాలని టీఆర్ఎస్ ప్రణాళికలు రచిస్తోందన్న వార్తలు వినిపిస్తున్నాయి. ఇక ఆడియో సారాంశాన్ని మీరూ వినండి..