గజల్ శ్రీనివాస్ కు ఊరట

Posted: 01/24/2018 02:08 PM IST

లైంగిక వేధింపుల ఆరోపణలతో జైలుకి వెళ్లిన గజల్ శ్రీనివాస్ కు ఎట్టకేలకు బెయిల్ మంజూరు అయ్యింది. బుధవారం నాంపల్లి కోర్టు షరతులతో కూడిన బెయిల్ ను గజల్ కు మంజూరు చేసింది.

ప్రతీ బుధ, ఆదివారాల్లో తమ ముందు హాజరు కావాల్సిందిగా ఆదేశించింది. కాగా, తన రేడియో కంపెనీలో పని చేసే జాకీని లైంగికంగా వేధించాడనే ఆరోపణలపై గజల్ శ్రీనివాస్ ను పంజాగుట్ట పోలీసులు అరెస్ట్ చేసిన విషయం తెలిసిందే. గతంలో ఆయనకు కోర్టు బెయిల్ నిరాకరించింది. కాగా, ఈ కేసులో ఏ-2 నిందితురాలు పార్వతి ముందు బెయిల్ కు దరఖాస్తు చేసుకోగా.. కోర్టు మంజూరు చేసింది.