ITEMVIDEOS: విహారయాత్రలో మహా విషాదం.. విద్యార్థుల గల్లంతు..

Posted: 01/13/2018 06:15 PM IST

విహార యాత్రలో మరోమారు విషాదం సంభవించింది. వారాంతంలో విద్యార్థులు సరదాగా చేసిన విహారయాత్ర.. చివరికి విషాదంగా ముగిసింది.పాఠశాలలు, కాళాశాలలు విద్యార్థులను విహారయాత్రలకు పంపాలంటేనే భయంతో వణికిపోతున్న తల్లిదండ్రుల అందోళనలు మరోమారు అర్తనాథాలు పెట్టేలా చేశాయి. అరేబియా సముద్రంలో బోటు తలకిందులైన ఘటనలో నలుగురు విద్యార్థులు ప్రాణాలు కోల్పోయారు. మహారాష్ట్రలో తీరపట్ణమైన దహనులో శనివారం ఈ సంఘటన చోటుచేసుకుంది.

విహారయాత్రలో భాగంగా ఓ పాఠశాలకు చెందిన 40 మంది విద్యార్థులు దహను బీచ్‌ నుంచి సముద్రంలోనికి వెళ్లారు. తీరం నుంచి సుమారు రెండు కిలోమీటర్ల దూరంలో ఉంగా.. బోటు ఒక్కసారిగా తలకిందులైంది. వెంటనే అప్రమత్తమైన రెస్క్యూ సిబ్బంది.. బోటువద్దకు చేరుకుని విద్యార్థులను కాపాడే ప్రయత్నం చేశారు. కానీ అప్పటికే నలుగురు ప్రాణాలు విడిచారు. ఇప్పటివరకు అందిన సమాచారం ప్రకారం 36 మంది విద్యార్థులను కాపాడి ఒడ్డుకు తీసుకొచ్చారు. సహాయక చర్యల్లో స్థానిక అధికారులతోపాటు నౌకాదళం కూడా పాలు పంచుకుంది.