ITEMVIDEOS: సుచీ లీక్స్ ప్రశ్నతో ధనుష్ మైండ్ బ్లాంక్.. వాకౌట్

Posted: 07/24/2017 08:19 PM IST

Dhanush walks out of interview on questioning about suchi leaks

ప్రముఖ కోలీవుడ్ హీరో ధనుష్ కు కష్టాలు వెంటాడుతున్నాయా..? ఆ మధ్య సుచీ లీక్స్ ఎపిసోడ్ వెలుగుచూడటంతో.. ఆ తరువాత ధనుష్ తమ బిడ్డే అని చెప్పుకుని ఓ వృద్ద దంపతులు కేసు వేయడం.. అతడికి శరాఘాతంలా మారాయి. అయితే క్రమేపి అన్ని వివాదాల నుంచి బయటపడిన ధనుష్ ను ఇంకా వాటి తాలుకు నీడలు వెన్నాడుతున్నాయా..? అంటే అవుననే చెప్పాలి. తాజాగా ప్రముఖ తెలుగు న్యూస్ ఛానెల్ టీవీ 9 ధనుష్ తో ఇంటర్వ్యూ చేసింది. అయితే ఆ ఇంటర్వ్యూ నుంచి హీరో ధనుష్ అర్థంతరంగా వెళ్లిపోయారు. వెళ్తూ.. వెళ్తూ.. `దిస్ ఈజ్ రియ‌ల్లీ స్టుపిడ్‌ ఇంటర్వ్యూ` అంటూ వెళ్లారు.

అసలు హీరో ధనుష్ కు అంత కోసం ఎందుకోచ్చింది. అసలు జరిగిందేమిటీ..? ఇదంతా నిజమేనా..? లేక టీఆర్పీ రేటింగ్ కోసమా..? అన్న వివరాల్లోకి వెళ్తే.. టీవీ 9 కోలీవుడ్ టాప్ హీరో ధనుష్ తో ఓ చిన్నపాటి ఇంటర్వ్యూ ను అహ్వానించింది. దీంతో సరేనన్న ఆయన అందుకు అంగీకరించి.. ఇంటర్వ్యూకు వెళ్లారు. హీరోను ప్రశ్నలు అడుగుతూ.. తాజాగా ఆయన ఎదుర్కోన్న సుచీ లీక్స్ అరోపణలపై టీవీ 9 ప్రతినిధి ఆయనను ప్రశ్నించింది.

వాటిపై ఆయన సమాధానం చెప్పకుండా దాఠవేత ధోరణి అవలంభించారు. ప్రతినిధి అడిగిన ప్రశ్ననే మళ్లీ మళ్లీ వేసి.. అమెను కన్ఫూజన్ లోకి నెట్టే ప్రయత్నం కూడా చేశారు. అయినా టీవీ 9 ప్రతినిధి ఆయనను అదే కోణంలో ప్రశ్నించారు. సూచీ లీక్స్ కారణంగా మీ వైవాహిక జీవితంలో కూడా మనస్పర్థలు వచ్చాయని టాక్ వచ్చింది. మీ వైవాహిక జీవితంలో బీటాలు వారాయా..? అని ప్రశ్నించారు. దీంతో కోప్రోద్రిక్తుడైన ధనుష్ `దిస్ ఈజ్ రియ‌ల్లీ స్టుపిడ్ ఇంటర్వ్యూ‌` అంటూ ధ‌నుష్ ఇంట‌ర్వ్యూ నుంచి వాకౌట్ చేశాడు.