వింత ప్రమాదం.. 20 మంది విద్యార్థుల మృతి

Posted: 03/20/2017 04:12 PM IST

సరదాగా గడుపుదామని వచ్చిన విద్యార్థుల పాలిట ఆ ట్రిప్ విషాదాన్ని నింపింది. జలపాతంలో కేరింతలు కొడుతున్న వారిపై ఎక్కడి నుంచి వచ్చి ఊడిపడిందో ఓ తుఫాన్ పెద్ద దెబ్బేసింది. అంతే ఆ వింత ప్రమాదంలో 20 మంది అక్కడికక్కడే చనిపోయారు. ఫైనల్ డెస్టినేషన్ హాలీవుడ్ సినిమా తరహాలో జరిగిన ఈ ప్రమాదం వివరాల్లోకి వెళ్లితే...

ఆఫ్రికన్ దేశం ఘనాలో బ్రోంగ్-అహఫో ప్రాంతంలోని పంప్ పంప్ నది, దాని కిందే కింటాంపో జ‌ల‌పాతం పర్యాటక కేంద్రంగా విరజిల్లుతోంది. వారాంతం కావటంతో వెంచి పాఠశాల విద్యార్థులు శవివారం విహార యాత్రకు వెళ్లారు. వారంతా జలపాతంలో దిగి స‌ర‌దాగా ఈత కొడుతున్న సమయంలో ఓ భారీ వృక్షం హఠాత్తుగా వారిపై వచ్చి పండింది. అంతే 18 మంది అక్కడిక్కడే చనిపోగా, మరో ఇద్దరు ఆస్పత్రిలో మృతి చెందారు. తీవ్రంగా గాయపడిన 11మందికి చికిత్స అందిస్తున్నట్లు వైద్యులు తెలిపారు.

ఆ విద్యార్థులంతా వాట‌ర్‌ఫాల్స్ లో దిగిన సమయంలోనే తుఫాన్ రావటం, పైనున్న చెట్లు కూలిపోయి ఓ భారీ వృక్షం వాళ్ల మీద పడటం నిమిషాల్లో జరిగిపోయిందని తెలిపారు. ఘటనపై తీవ్ర దిగ్భ్రాంతి వ్యక్తం చేసిన ఘనా టూరిజం శాఖ వారి కుటుంబాలకు నష్టపరిహారం అందజేయనున్నట్లు ప్రకటించారు.