ఎప్పుడైనా.. ఎక్కడైనా... ఏసీ జాకెట్

Posted: 03/08/2017 08:45 AM IST

రానున్నది సమ్మర్. గ్రీన్ హౌస్ వాయువులు, పైగా పొల్యూషన్ ఎఫెక్ట్ తో ఈసారి ఉష్ణోగ్రతలు చంపేస్తాయని ఇదివరకే వాతావరణ శాఖ హెచ్చరించింది కూడా. అయితే ఈ జాకెట్ గనుక ధరిస్తే మీరు చల్లగా ఉంటారంటున్నాడు కేంద్ర మంత్రి గిరి రాజ్ సింగ్. బీహార్ లోని నేషనల్ ఇన్ స్టిట్యూట్ ఆఫ్ ఫ్యాషన్ టెక్నాలజీ(నిఫ్ట్) విద్యార్థులు తయారు చేసిన ఎయిర్ కండిషనర్ జాకెట్ ను ఆయన నియోజకవర్గం కాన్వాలో జరిగిన ఓ కార్యక్రమంలో ఆవిష్కరించాడు.

ఇంతకీ ఈ ఏసీ జాకెట్ ప్రత్యేకత ఏంటంటే.. క్లైమెట్ గేర్ టెక్నాలజీ ఆధారంగా నిఫ్ట్ విద్యార్థులు దీనిని రూపొందించారు. గడ్డకట్టే 0 డిగ్రీల సెల్సియస్ నుంచి 50 డిగ్రీల వేడి పరిస్థితుల దాకా ఉష్టోగ్రతలను పెంచుకునే సౌకర్యం ఈ జాకెట్ లో ఉండటమే. ఎర్ర బటన్ వేడి కోసం, గ్రీన్ బటన్ చల్లబరుచుకోడానికి ఏర్పాటు చేయబడి ఉంటాయి. ఒకేసారి 20డిగ్రీల సెల్సియస్ టెంపరేచర్ ను ఒకేసారి తగ్గించుకోవటం, పెంచుకోవటం లాంటివి చేయొచ్చు కూడా.

ప్రస్తుతం ఈ జాకెట్ లను ప్రయోగాత్మకంగా పరిశీలించి మార్కెట్ లోకి రిలీజ్ చేస్తామని, త్వరలో సైనికులకు అందజేయనున్నట్లు ఆయన వెల్లడించారు. ఇంతకీ దీని ధర ఎంతో తెలుసా? స్లీవ్ లెస్ అయితే 18,000, ఫుల్ జాకెట్ అయితే 25,000 గా నిర్ణయించారు.