ఉగ్రవాదులు రెచ్చిపోయారు .. ముగ్గురు కూలీల మృతి

Posted: 01/09/2017 10:30 AM IST

సరిహద్దులో మరోసారి తుపాకీ మోతతో దద్దరిల్లింది. సోమవారం ఉదయం కశ్మీర్ లోని ఆఖ్నూర్ లోని జనరల్ రిజర్వ్ ఇంజనీర్ ఫోర్స్(జీఆర్ఈఎఫ్) క్యాంపుపై ఉగ్రవాదులు విరుచుకుపడ్డారు. ఈ దాడిలో అక్కడ పని చేసే ముగ్గురు వ్యక్తులు మృతి చెందారు. భద్రతాబలగాలే లక్ష్యంగా కాల్పులు జరిపినట్లు తెలుస్తోంది.

ఉదయం 5 గంటల ప్రాంతంలో ఈ దాడి ప్రారంభం అయ్యిందని, వెంటనే అలర్ట్ అయిన సైనికులు ఎదురు కాల్పులు ప్రారంభించారని ఓ అధికారి తెలిపాడు. ప్రస్తుతం భద్రతాబలగాలకు, ఉగ్రవాదులకు మధ్య కాల్పులు కొనసాగుతున్నాయి. ఈ నేపథ్యంలో అఖ్కూర్ సెక్టార్ లో హై అలర్ట్ ప్రకటించారు. బతాల్ గ్రామంలో తలదాచుకున్న ఉగ్రవాదులు... ఈ తెల్లవారుజామున ఆర్మీ క్యాంపుపై దాడికి తెగబడ్డారు.

కాగా, సర్జికల్ దాడుల తర్వాత భారత దళాల క్యాంపులపై దాడులు నిరంతరం జరుగుతూనే ఉన్నాయి. ఇప్పటిదాకా 97 ఘటనలు జరగ్గా 146 మంది ఉగ్రవాదులను సైన్యం మట్టుపెట్టింది.