ITEMVIDEOS:ఆడాళ్ల టాయ్ లెట్ లోకి దూరి ఏం చేశాడంటే...

Posted: 06/30/2016 12:42 PM IST

అది బెంగళూరులోని ప్రఖ్యాత వాసుదేవ్ అడిగా కోరమంగళ రెస్టారెంట్. నిత్యం కస్టమర్లతో కళకళలాడుతుంటుంది. 20 ఏళ్ల యువతి తన స్నేహితురాళ్లతో కలిసి సరదాగా భోజనానికి అక్కడికి వచ్చింది. లంచ్ ముగిశాక వాష్ రూమ్ కి వెళ్లింది. అంతలో కెవ్వుమని కేక. ఏం జరిగిందోనని అంతా పరిగెత్తుకుంటూ వచ్చారు. భయంతో బయటికి పరిగెత్తుకొచ్చిన యువతి టాయ్ లెట్ లోకి ఎవరో తొంగిచూడటాన్ని గమనించిందట. వెంటనే విషయాన్ని మేనేజ్ మెంట్ దృష్టికి తీసుకెళ్లింది.

రంగంలోకి దిగిన పోలీసులు విచారణ ప్రారంభించారు. హోటల్ లో పని చేసే ఓ సర్వర్ అటువైపుగా వెళ్లటం కొందరు చూశారంట. దీంతో అతగాడిని పోలీసులు అదుపులోకి తీసుకున్నారు. అయితే తనకేం తెలీదని బుకాయించడంతో హోటల్ లోని సీసీ టీవీ పుటేజ్ లను పరిశీలించారు. అందులో అతగాడు లేడీస్ టాయ్ లెట్ వైపు వెళ్లటం క్లియర్ గా ఉంది. దీంతో అతన్ని అరెస్ట్ చేశారు.

గత వారం జరిగిన ఈ ఘటన ఆలస్యంగా వెలుగు చూసింది.అయితే ఆ యువతి అసలు కస్టమర్ కాదని, కేవలం వాష్ రూమ్ కోసమనే తమ హోటల్ కి వచ్చిందని హోటల్ మేనేజ్ మెంట్ చెబుతోంది. ఇది తెలిసి ఆమెను అడ్డుకునేందుకే తమ సర్వర్ ఆమె వెంట వెళ్లాడనే చెత్త వాదనను వినిపిస్తోంది.