గత 12 రోజులుగా చేస్తున్న దీక్షతో కాపు ఉద్యమనేత ముద్రగడ పద్మనాభం ఆరోగ్య పరిస్థితిపై తీవ్ర గందరగోళం నెలకొంది. ఓవైపు పరిస్థితి విషమిస్తున్నట్లు ఆయన బంధువులు చెబుతుంటే, ముద్రగడ కుమారుడితోసహా వైద్యులు ఆయన పరిస్థితి నిలకడగా ఉందని చెబుతుండటంతో ఏం జరుగుతుందో అర్థం కానీ పరిస్థితి నెలకొంది. ఇప్పటికే తీవ్ర జ్వరం, శ్వాస ఇబ్బందులతో బాధపడుతున్న ఆయన బీపీలో క్రమంగా హెచ్చుతగ్గులు నమోదు చేసుకుంటున్నాయని బందువులు చెప్పారు. మరో 36 గంటలు ఆయన దీక్షను కొనసాగిస్తే ప్రాణానికే ప్రమాదం ఉందని వారంటున్నారు.
తుని అల్లర్లపై అరెస్ట్ చేసిన 13 మందిని విడుదల చేయాలన్న డిమాండ్ తో ఆయన దీక్ష చేస్తుండగా, కాస్త తగ్గిన ప్రభుత్వం 8 మందిని ఇప్పటికే విడుదల చేసింది. ఇంకా ఇద్దరికి బెయిల్ లభించినప్పటికీ వారిని విడుదల చేయలేదు. మరో ముగ్గురికి అసలు బెయిల్ లభించలేదు. కాగా, వారందరిని విడుదల చేసి తన ముందు ప్రవేశ పెడితేనే దీక్ష విరమిస్తానని ముద్రగడ చెబుతున్నట్లు కాపు నేతలు వెల్లడించారు. ఆయనకు మెరుగైన వైద్యం అందించాలని వారంతా వైద్యులకు సూచించినప్పటికీ, అందుకు ముద్రగడ సహకరించట్లేదని తెలుస్తోంది. 'రెండు రోజుల్లో మట్టిలో కలిసిపోయే ఈ దేహానికి వైద్య మెందుకు? ఇవన్నీ అవసరమా? నన్ను వేరెక్కడికీ తీసుకెళ్లొద్దు. తీసుకు వెళ్లాలనుకుంటే నా శవాన్నే బయటకు తీసుకువెళ్లండి' అంటూ మొండిపట్టుతో ఉన్నారు.
మరోవైపు ముద్రగడ భార్య పరిస్థితి కూడ రాను రాను ఇబ్బందికరంగా మారుతుందని సమాచారం. పద్మావతికి శ్వాస తీసుకోవడంలో ఇబ్బంది పడుతున్నారని ఆమె సోదరుడు సోమేశ్వరరావు చెబుతున్నారు. పోలీసులు త్వరగతిన కలుగజేసుకుని మిగతావారికి కూడా బెయిల్ మంజూరయ్యేలా చేస్తే మాత్రం, ముద్రగడ దంపతులు కిర్లంపూడికి వెళ్లి అక్కడే దీక్ష విరమించే అవకాశం ఉంది. మరోవైపు గుండె సంబంధిత సమస్య తలెత్తడంతో తమ ఒత్తిడి మేరకు సోమవారం సాయంత్రం కల్లా ఆయన దీక్ష విరమింపజేసే అవకాశం ఉన్నట్లు కుటుంబీకులు చెబుతున్నారు.
భాస్కర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more