ITEMVIDEOS:గుత్తా గులాబీ కండువా కప్పుకోలేదహే!

Posted: 06/16/2016 09:48 AM IST

Gutta ignore pink shaal during party joining

తెలంగాణలో కాంగ్రెస్ కు భారీ షాక్ ఇస్తూ సీనియర్లు గుత్తా సుఖేందర్ రెడ్డి, వివేక్ బ్రదర్స్, ఎమ్మెల్యే ఆనంద భాస్కరరావులు వీరితోపాటు ఏకైక సీపీఐ ఎమ్మెల్యే రవీంద్ర నాయక్ లు గులాబీ తీర్థం పుచ్చుకున్న సంగతి తెలిసిందే. వీరిచ్చిన దెబ్బకి ఏకంగా ఢిల్లీ అధిష్ఠానమే ఇప్పుడు స్వయంగా రంగంలోకి దిగి మరిన్ని జంప్ లను జరగకుండా చూడాల్సిన పరిస్థితి దాపురించింది. అయితే తెలంగాణ భవన్ వేదికగా బుధవారం వీరంతా గులాబీ తీర్థం పుచ్చుకుంటుండగా ఓ ఆసక్తికర ఘటన చోటుచేసుకుంది.

నల్లగొండ పార్లమెంటు సభ్యుడిగా ఉన్న గుత్తా టీఆర్ఎస్ చేరికే చర్చనీయాంశంగా మారింది. సాధారణంగా టీఆర్ఎస్ లో చేరిన కార్యకర్త స్థాయి నేతకైనా సరే గులాబీ కండువాను కప్పి పార్టీలోకి ఆహ్వానించడం ఆనవాయితీ. కానీ, ఆ సంప్రదాయానికి విరుద్ధంగా గుత్తా గులాబీ కండువా కప్పుకోకుండానే టీఆర్ఎస్ లో చేరిపోయారు. టీఆర్ఎస్ అధినేత కల్వకుంట్ల చంద్రశేఖరరావు రాకకు ముందే వేదిక మీదకు చేరిన గుత్తా అక్కడి కార్యకర్తలతో కలిసి హడావుడి చేశారు. ఇంతలో ఓ కార్యకర్త కండువా కప్పుకోవాల్సిందిగా గుత్తాకు సూచించగా, దానికి ఆయన నిరాకరించారు.

source from Inews

తర్వాత అక్కడకు వచ్చిన కేసీఆర్ కు స్వాగతం పలుకుతూ పుష్ప గుచ్ఛం అందజేశారు. ఆపై వివేక్, వినోద్ లతో పాటు భాస్కరరావు, రవీంద్ర నాయక్ లకు పార్టీ కండువాలు కప్పిన కేసీఆర్... గుత్తా మెడలో పార్టీ కండువా వేయడాన్ని పూర్తిగా మరిచిపోయారు. ఇక గుత్తా కూడా ఈ విషయాన్ని లైట్ తీస్కుని వారితో ఫోటోలు దిగారు. అటు తర్వాత కేసీఆర్ ఉపన్యాసం ఇస్తున్నంత సేపు కూడా గుత్తా కండువాలేకుండానే కనిపించారు. పార్టీలో చేరిన కొత్తవారితో కలిసి కేసీఆర్ వేదిక మీదే ఫొటోలకు పోజిచ్చారు. కానీ, అన్ని ఫోటోలో కెల్లా అధ్యక్షుడు కేసీఆర్ తోసహా గుత్తా మెడలో కండువా లేకపోవటమే హైలెట్ గా నిలిచింది.

భాస్కర్