https://mail.teluguwishesh.com/
Geek Spends $460 on Rubik’s Cubes to Make a Giant Portrait of His Crush, Gets Rejected
ప్రేమను వ్యక్తం చేయడంలో చైనావాళ్ల స్టైయిలే వేరు. ఆ మధ్య ఓ ప్రేమికుడి తన కోలిగ్ ను ప్రపోజ్ చేయడానికి ఏకంగా 99 అపిల్ ఫోన్లను వినియోగించి తన లవ్ ను ప్రపోజ్ చేశాడు. అయితే అతడి ప్రేమను ఆ యువతి తిరస్కరించింది, ఇలాగే డిఫరెంట్ గా తన లవ్ ను ప్రపోజ్ చేయడంతో చైనీయులు ముందుంటారు. విభిన్నంగా ప్రేమను వ్యక్తపరుస్తూ ప్రపంచం దృష్టిని ఆకర్షిస్తుంటారు. అయితే అందులో కొందరు మాత్రమే తమ శ్రమను, శక్తిని, తెలివిని, డబ్బుతో పాటు ప్రమేను కూడా జయిస్తుంటారు. అంత చేసినా చాలా మంది మాత్రం ప్రేమలో విఫలమవుతున్నారు.
ఉత్తర చైనాలోని షన్ యాంగ్ నగరానికి చెందిన 27 ఏళ్ల టొంగ్ అయెనన్ కూడా ఈ కోవకు చెందినవాడే. తన డ్రీమ్ గాళ్ కు వెరైటీగా ప్రపోజ్ చేసి అందరి దృష్టిని ఆకర్షించాడు. అయితే ప్రియురాలి ప్రేమను మాత్రం గెలుచులేకపోయాడు. తన పొరుగింటిలో ఉన్న యువతిని టొంగ్ ఇష్టపడ్డాడు. ఆమెకు తన ప్రేమను విభిన్నంగా వ్యక్తం చేయాలనుకున్నాడు. అనుకున్నదే తడవుగా 840 రూబిక్ క్యూబ్ లతో 20 గంటల పాటు శ్రమించి తనింట్లోనే ప్రేయసి చిత్రానికి ప్రాణం పోశాడు. వెరైటీగా ప్రపోజ్ చేసినా అతడిని ఆమె తిరస్కరించింది.
'రూబిక్ క్యూబ్ లతో తయారు చేసిన ఫొటోను నా డ్రీమ్ గాళ్ కు చూపించి సర్ ప్రైజ్ చేశాను. నువ్వంటే నాకు ఇష్టమని చెప్పాను. కానీ ఆమె నా ప్రేమను తిరస్కరించింది' అని మెకానిక్ గా పనిచేస్తున్న టొంగ్ తెలిపాడు. ప్రేయసి తిరస్కరించడం పట్ల ఎలా ఫీలవుతున్నావని అడగ్గా... దాని గురించి ఎక్కువగా ఆలోచించడం లేదని సమాధానమిచ్చాడు. తన డ్రీమ్ గాళ్ ఫొటో తయారు చేసేందుకు 2 నెలల ముందు నుంచి ప్లాన్ వేసుకున్నానని వెల్లడించాడు. 2.1 మీటర్ల ఎత్తు, 1.4 మీటర్ల వెడల్పుతో దీన్ని రూపొందించానని చెప్పాడు.
ముందుగా ఫొటోషాప్ లో డిజైన్ చేసుకుని దాని ప్రకారం 840 రూబిక్ క్యూబ్ లతో ఈ చిత్రాన్ని తయారుచేశానన్నాడు. డిజైన్ కు అనుగుణంగా రూబిక్ క్యూబ్ ను సరిచేసుకుంటూ, ప్రత్యేకంగా తయారు చేసిన చెక్క ఫ్రేమ్ లో వీటిని ఒకదానిపై ఒకటి అమర్చానని వెల్లడించాడు. మూడు రాత్రుల్లో 20 గంటల పాటు శ్రమించి దీన్ని రూపొందించానని, ఇందుకోసం 460 డాలర్లు వెచ్చించానని తెలిపాడు. దీనికి సంబంధించిన ఫొటోలు చైనా సోషల్ మీడియాలో విస్తృతంగా షేర్ అయ్యాయి.
ఆమె ఎందుకు టొంగ్ ప్రేమను తిరస్కరించిందని నెటిజన్లు ప్రశ్నలు సంధిస్తున్నారు. తన డ్రీమ్ గాళ్ పై వ్యక్తిగత వ్యాఖ్యలు చేయొద్దని ఆన్ లైన్ జనానికి టొంగ్ విజ్ఞప్తి చేశాడు. ఖాళీ సమయాల్లో రూబిబ్ క్యూబ్ ఆడుకుంటూ ఉంటానని, బయట తిరగడం తనకు అంతగా ఇష్టముండదని తెలిపాడు. రూబిబ్ క్యూబ్ లతో తాను తయారు చేసిన డ్రీమ్ గాళ్ ఫొటోను ఏం చేయాలన్నదే తన ముందున్న 'పజిల్' అని పేర్కొన్నాడు.
మనోహర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
