డైరెక్టర్ తేజపై క్రిమినల్ కేసు..

Posted: 04/26/2016 01:07 PM IST

తమ సినిమాల్లో నీతి, నిజాయితీ, ధర్మం, దానం లాంటి గోప్ప గుణాలున్న మనుషులు తప్పక విజయాలను అందుకుంటారన్న సందేశాలను చూపించే ప్రముఖ దర్శకులు.. వారి నిజ జీవితంలో మాత్రం వివాదాలకు కేంద్ర బింధువులుగా మారుతూ వార్తల్లో నిలుస్తున్నారు.  లోఫర్ సినిమా డిస్ట్రిబ్యూటర్లు తనపై దాడి చేశారంటూ డైరెక్టర్ పూరి జగన్నాథ్ వివాదం రేపగా, ఆయన తమపై తనకు తెలిసిన పోలీసు ఉన్నతాధికారి సాయంతో అక్రమంగా కేసు బనాయించారని డిస్ట్రిబ్యూటర్లు మీడియా సమావేశంలో చెప్పడం.. ఈ వివాదం ఇంకా తెలుగు ప్రేక్షకులు మర్చిపోకముందే మరో ప్రముఖ దర్శకుడు తాజా వివాదంలో చిక్కకున్నారు.

ఈ సారి దర్శకుడు తేజ ఏకంగా క్రిమినల్ కేసులో ఇరుక్కున్నారు. ఆర్.వి కృష్ణారావు అనే కలప వ్యాపారి తనకు దర్శకుడు తేజ నుంచి ప్రాణహాని ఉందంటూ బంజారాహిల్స్ పోలీసులకు ఫిర్యాదు చేసిన నేపథ్యంలో దర్శకుడు తేజతో పాటు మరో ఇద్దరిపై పోలీసులు క్రిమినల్ కేసు నమోదు చేసి దర్యాప్తు చేస్తున్నారు. ఈ నెల 7వ తేదిన రాత్రి తన కారులో వెళ్తుండగా ఫిలింనగర్ సాయి ముక్తిథామం వద్ద విక్కి అనే వ్యక్తి తన కారు ఆపి వడ్డెర సత్యం, కైసర్ గ్యాంగ్ నీపై దృష్టి పెట్టాయని హెచ్చరించాడని.. వ్యాపారి కృష్ణారావు పోలీసులకు ఇచ్చిన పిర్యాదులో పేర్కోన్నాడు.

తనకు, సినీ దర్శకుడు తేజకు మధ్యనున్న ఇంటి స్థలం అంశాన్ని సాధ్యమైనంత త్వరగా సెటిల్ చేసుకోవాలని, లేని పక్షంలో ప్రాణహానీ తప్పదని హెచ్చరించాడని బాధితుడు తన పిర్యాదులో పేర్కోన్నారు. మళ్లీ ఈ నెల 13వ తేదీన తేజ ఇదే విషయంపై కృష్ణారావుకు ఫోన్ చేసి దూషించాడు. దీంతో తీవ్ర భయాందోళనకు గురైన కృష్ణారావు తనకు ఈ ముగ్గురి నుంచి ప్రాణహాని ఉందని పోలీసులకు ఫిర్యాదు చేశాడు. ఫిర్యాదు స్వీకరించిన పోలీసులు దర్శకుడు తేజతో పాటు వడ్డెర సత్యం, కైసర్ గ్యాంగ్ లపై ఐపీసీ సెక్షన్ 506 కింద కేసు నమోదు చేసి దర్యాప్తు చేస్తున్నారు. ఇక విక్కీ అనే వ్యక్తిని అన్వేషంచే పనిలో పోలీసులు వున్నారు.

మనోహర్