చౌకధరల విమానయానంలో పోటీలోకి ఇండిగో.. బంఫర్ ఆఫర్..!

Posted: 01/14/2016 12:14 PM IST

గత కొద్ది సంవత్సరాలుగా విమానయాన రంగంలో వస్తున్న మార్పులతో విమానంలో విహరించాలన్న ఆశలను నేరవేర్చుకోవడం మధ్యతరగతి ప్రజలకు అందుబాటులోకి వచ్చింది. దేశీయంగా పలు నగరాలకు ప్రయాణికులను చేర్చేందుకు అత్యంత తక్కువ ధర ఆఫర్లను విమానయాన సంస్థలు ప్రకటించడంతో ఉన్నత మధ్యతరగతి, ఉన్నత వర్గాల ప్రజలకే పరిమితమైన విమానయానం ఇకపై మధ్యతరగతి ప్రజలకు కూడా అందుబాటులోకి వచ్చింది.

తాజాగా విమాన సంస్థల చౌకధర పోటీ మార్కెట్ లోకి భారత్ లో అతిపెద్ద విమానయాన సంస్థగా ఉన్న ఇండిగో కూడా చేరిపోయింది. పండగ వేళ బస్సు యాజమాన్యాలు ముక్కుపిండి ప్రయాణికుల నుంచి అధిక సోమ్మును రాబడుతున్న వేళ.. హైదరాబాద్ నుంచి విజయవాడకు 1000 రూపాయలకు పైగా చెల్లించాల్సి వస్తున్న సమయంలో, ఇండిగో విమానయాన సంస్థ బంఫర్ ఆఫర్ ప్రకటించింది. ప్రత్యేక ప్రమోషనల్ ఆఫర్ కింద రూ. 806 (అన్ని పన్నులు కలుపుకుని)కే విమాన ప్రయాణాన్ని దగ్గర చేసింది. ఈ ఆపర్ లో భాగంగా రేపటిలోగా టికెట్లు బుక్ చేసుకుని ఫిబ్రవరి 3 నుంచి ఏప్రిల్ 12 మధ్య ప్రయాణం పెట్టుకునే వారికి ఈ ఆఫర్ వర్తిస్తుందని తెలిపింది.

 కాగా, ఇటీవల చౌక ధరలకు ప్రయాణ సేవలందిస్తున్న గో ఎయిర్ రూ. 601 (బేస్ ఫేర్, ఫ్యూయల్ సర్ చార్జ్)కి, స్పైస్ జెట్ రూ. 716 (పన్నులు మినహా), ఎయిర్ ఆసియా రూ. 899 (అన్ని పన్నులు కలుపుకుని)లకు ప్రమోషనల్ స్కీములు ప్రకటించిన సంగతి తెలిసిందే. ఇండియాలో దేశవాళీ విమాన ప్రయాణికుల సంఖ్య గణనీయంగా పెరగడానికి ఈ తరహా స్కీములే కారణమని నిపుణులు వ్యాఖ్యానించారు. గత సంవత్సరం జనవరి నుంచి నవంబర్ వరకూ 61 కోట్ల మంది విమానాల్లో ప్రయాణించారు. 2014తో పోలిస్తే ఇది 20 శాతం అధికం.

జి. మనోహర్