మల్లాది విష్ణు పారిపోలేదట.! కానీ ఎక్కడికెళ్లాడంటే..

Posted: 01/05/2016 01:00 PM IST

ఏపిలో దుమార రేపిన, ఎన్నో కుటుంబాల్లో తీవ్ర కలకలం రేపిన కల్తీ మద్యం కేసులో మరో ట్విస్ట్ వెలుగులోకి వచ్చింది. స్వర్ణ బార్ లో మద్యం సేవించిన వారు అకస్మాత్తుగా అనారోగ్యంపాలుకావడం.. అందులో ఐదుగురు ప్రాణాలు కోల్పోవడం పెద్ద సంచలనం. అయితే కాంగ్రెస్ ఎమ్మెల్యే మల్లాది విష్ణుకు చెందిన బార్ లో ఇదంతా జరిగిందని మీడియాలో వార్తలు వచ్చాయి. అయితే దీనిని మల్లాది మాత్రం ఖండించారు. ఆ బార్ తనది కాదు అని అది తన బంధువులదని కూడా వెల్లడించారు. అయితే బార్ లో తాగిన మద్యంలో మాత్రమే కల్తీ ఉందని నివేదిక తేల్చడంతో.. అప్పటి నుండి మల్లాది విష్ణు కనిపించకుండా పోయారు. అయితే చాలా రోజుల తర్వాత తిరిగి కనిపించిన మల్లాది అసలు మ్యాటర్ ఏంటో వెల్లడించారు.

కల్తీ మద్యం కేసులో మల్లాది విష్ణు పేరును కూడా పోలీసులు తొమ్మిదో నిందితుడిగా చేర్చింది. అయితే అరెస్టు వారెంట్ వస్తుందన్న కారణంగా మల్లాది తప్పించుకు తిరుగుతున్నారని గతంలో విమర్శలు కూడా వచ్చాయి. అయితే చాలా కాలం తర్వాత మల్లాది మీడియా ముందుకు వచ్చారు. తాను ఎక్కడికి పారిపోలేదని.. తీర్థయాత్రలకు వెళ్లినందు వల్లే తాను ఎవరికీ అందుబాటులోకి రాలేదని వెల్లడించారు. అయితే కల్తీ మద్యం కేసులో తాను ఎలాంటి విచారణను ఎదుర్కోవడానికైనా సిద్దంగా ఉన్నానని కూడా ఆయన వెల్లడించారు. రేపు తాను ఏం చెప్పాలనుకున్నానో వెల్లడిస్తానని అన్నారు. మరి రేపు మల్లాది విష్ణు ఏం చెబుతారు అన్నది ఇంట్రస్టింగ్ గా మారింది.