ఆవి వాళ్ల మాటలే.. మళ్లీ పుంజుకున్న ఒటుకు నోటు కేసు

Posted: 11/27/2015 11:31 AM IST

Revanth sandra voices in cash for vote scam confirmed

గత కోన్ని నెలలుగా స్థబుగా వున్న ఓటుకు కోట్లు కేసు కీలక దశకు చేరుకుంది. ఈ కేసుతో పాటు అటు ఏపీ ప్రభుత్వం పెట్టిన ఫోన్ ట్యాపింగ్ కేసులు ఎక్కడికక్కడే నిలిచిపోయాయిని వార్తలు వచ్చిన నేపథ్యంలో వీటి గురించి తెలుగు ప్రజలు మర్చిపోతున్న తరుణంలో మరోమారు ఈ కేసులో పుంజుకుంది. స్టింగ్ ఆపరేషన్ లో ఉన్న వీడియో టేపులు నిజమైనవేనని ఫోరెన్సిక్ సైన్స్ ల్యాబ్ (ఎఫ్ఎస్ఎల్) నిర్ధారించింది. ఆడియో, వీడియో టేపుల్లో ఉన్న వాయిస్ నిందితులదేనని తేల్చింది. టీడీపీ ఎమ్మెల్యేలు రేవంత్ రెడ్డి, సండ్ర వెంకట వీరయ్య, టీడీపీ నేత జెరూసలెం మత్తయ్య వాయిస్ తో సరిపోలినట్టు నిర్ధారించింది.

ఇక ఆంధ్రప్రదేశ్ ముఖ్యమంత్రి చంద్రబాబు వాయిస్ నమూనాను సేకరించి ఎఫ్ఎస్ఎల్ పరీక్ష కోసం పంపాలని భావిస్తున్నామని ఏసీబీ ఉన్నతాధికారి ఒకరు వెల్లడించారు. అనుబంధ చార్జిషీట్ దాఖలు చేయడానికంటే ముందు చంద్రబాబు స్వర నమూనా తీసుకోవాలనుకుంటున్నట్టు చెప్పారు. కాగా. ఎఫ్ఎస్ఎల్ నివేదికను కోర్టుకు ఫోరెన్సిక్ అధికారులు సమర్పించారు. ఎఫ్ఎస్ఎల్ నివేదికను తమకు ఇవ్వాలని కోర్టును ఏసీబీ కోరనుంది.

ఈ సందర్భంగా సెబాస్టియన్ ఫోన్ లో రికార్డైన వాటిని కూడా ఏసీబీ అధికారులు స్వాధీనం చేసుకున్నారు. ఒక యాప్ ద్వారా ఆయన రికార్డు చేసినట్టు గుర్తించారు. దీంతో ఏసీబీ అధికారులకు అదనంగా మరో సాక్ష్యం దొరికినట్టైంది. ఇందులో 516 కాల్స్ రికార్డు కాగా అందులో 102 కాల్స్ ఓటుకు కోటుకు కేసుకు సంబంధించినవే అని ఏసీబీ అధికారులు గుర్తించారు. ఈ ఫోన్ ద్వారానే స్టీఫెన్ సన్ తో చంద్రబాబు మాట్లాడినట్టు ఆరోపణలు వున్నాయి. ఇందుకు సంబంధించిన వాయిస్ రికార్డులు కూడా పలు టీవీ ఛానెల్స్ ప్రపారం చేశాయి.

జి. మనోహర్