రాహుల్ గాంధీ టూర్.. ఇప్పటికి సమాచార్

Posted: 11/25/2015 10:22 AM IST

What rahul gandhi did for the 60 days he went missing

దేశంలో ఎంతో కీలకమైన పార్లమెంట్ సమావేశాల సమయంలో ఏఐసిసి వైస్ ప్రెసిడెంట్, కాంగ్రెస్ పార్టీ భవిష్యత్ ఆశా కిరణం రాహుల్ గాంధీ దేశం వదిలి రహస్యంగా విదేశీ పర్యటనలకు వెళ్లడం పెద్ద సంచలనానికి తెర తీసింది. రాహుల్ గాంధీ ఒకటి కాదు రెండు కాదు ఏకంగా రెండు నెలల పాటు ఎవరికి కనిపించకుండా పర్యటనకు వెళ్లారు. అయితే రెండు నెలల తర్వాత తిరిగి దేశానికి వచ్చిన రాహుల్ మీద అధికార పార్టీ నాయకులు విమర్శలు గుప్పించారు. అయితే ఆ రెండు నెలలు రాహుల్ గాంధీ ఎక్కడికి వెళతారు అన్నదాని మీద అప్పుడు ఎవరికీ సమాచారం లేదు. అయితే తాజాగా రాహుల్ పర్యటన మీద క్లారిటీ వచ్చింది. రాహుల్ ఎక్కడెక్కడ.. ఎన్ని రోజులు ఉన్నాయన్న దాని మీద క్లారిటీ వచ్చింది.

రాహుల్ గాంధీ టూర్ వివరాలు ఇలా ఉన్నాయి.............
* ఫిబ్రవరి 16న న్యూఢిల్లీ నుంచి బయలుదేరిన రాహుల్ గాంధీ అదే రోజు థాయ్ ల్యాండ్ రాజధాని బ్యాంకాక్ చేరుకున్నారు.
* ఒక రోజు బ్యాంకాక్ లోనే ఆయన బస చేశారు.
* ఫిబ్రవరి 17న బ్యాంకాక్ నుంచి బయలుదేరిన ఆయన కంబోడియా చేరుకున్నారు. 11 రోజుల పాటు అక్కడే ఉన్నారు.
* కంబోడియా పర్యటనను ముగించుకున్న ఆయన ఫిబ్రవరి 28న తిరిగి బ్యాంకాక్ వచ్చారు.
* ఒక రోజు బ్యాంకాక్ లోనే ఉన్న రాహుల్, మార్చి 1న మయన్మార్ వెళ్లారు. దాదాపు 21 రోజుల పాటు మయన్మార్ లోనే ఉన్నారు.
* మార్చి 22న ధాయ్ ల్యాండ్ తిరిగివచ్చిన రాహుల్ ఆయుత్తయలోని బుద్ధిస్ట్ హెరిటేజ్ సెంటర్ ను సందర్శించారు. అక్కడే ఆయన 9 రోజుల పాటు గడిపారు
* మార్చి 31న వియత్నాం వెళ్లిన రాహుల్ ఏప్రిల్ 12న బ్యాంకాక్ తిరిగివచ్చారు.
* ఏప్రిల్ 12 నుంచి 16 వరకు రాహుల్ గాంధీ బ్యాంకాక్ లోనే సేదదీరారు.* ఏప్రిల్ 16న తన సుదీర్ఘ సెలవును ముగించుకుని రాహుల్ గాంధీ తిరిగి న్యూఢిల్లీ చేరుకున్నారు.
* 56 రోజుల పాటు రాహుల్ సెలవు పెట్టారని నాడు వార్తలు వినిపించాయి. అయితే వాస్తవానికి రాహుల్ గాంధీ సరిగ్గా 60 రోజుల పాటు సెలవులో ఉన్నారు.

(Source: India Today)