కిషన్ రెడ్డికి కేటీఆర్ ఖతర్నాక్ ఫిటింగ్

Posted: 08/21/2015 04:11 PM IST

తెలంగాణ బీజేపీ అధ్యక్షుడు కిషన్ రెడ్డిని రాష్ట్ర ఐటీ, పంచాయతీరాజ్ శాఖా మంత్రి కేటీఆర్ గట్టిగానే ఇరికించాడు. తెలంగాణ ప్రభుత్వం మీద రోజుకో విధంగా ఆరోపణలు చేస్తూ సర్కారు పనితీరును ప్రశ్నిస్తున్న కిషన్ రెడ్డి కేటీఆర్ సవాల్ నేపథ్యంలో దానిని స్వీకరిస్తాడా ? లేదా ? అని అందరూ ఉత్కంఠగా వేచిచూస్తున్నారు. “బీజేపీ అధ్యక్షుడు కిషన్ రెడ్డికి నిజంగా కేంద్రంలో పలుకుబడి ఉంటే తెలంగాణకు లక్షకోట్ల ప్యాకేజీ తేవాలి. తెలంగాణ కొత్తగా ఏర్పడిన రాష్ట్రం. ఇక్కడ ఎన్నో సమస్యలు ఉన్నాయి. బీహార్ కు మోడీ ప్యాకేజీ ప్రకటించిన నేపథ్యంలో బీజేపీ నేతలు కేంద్రం వద్దకు వెళ్లి తెలంగాణకు ప్యాకేజీ గురించి ప్రశ్నించాలని” కేటీఆర్ సూచించారు.

తెలంగాణలోని ఖమ్మం జిల్లాలో ఉన్న ఏడు మండలాలను ఏపీలో కలుపుతున్నప్పుడు బీజేపీ నేతలు ఏం చేశారని కేటీఆర్ ప్రశ్నించారు. రంగారెడ్డి జిల్లా వికారాబాద్ ను జిల్లా చేయాలని టీపీసీసీ అధ్యక్షుడు ఉత్తమ్ కుమార్ రెడ్డి అంటున్నాడని మరి అధికారంలో ఉన్నప్పుడు ఆయన ఎందుకు జిల్లాను చేయలేదని ప్రశ్నించారు. కేటీర్ అడిగినట్లు బీజేపీ నేతలు లక్ష కోట్లు కాకపోయినా 50 వేల కోట్లు కనీసం 25 వేల కోట్ల రూపాయల ప్యాకేజీ తెచ్చినా బాగుండు.పాపం ఉరిమి ఉరిమి ఊరి మీద పడ్డట్లు.. తెలంగాణలో బిజెపి వాళ్ల పరిస్థితి అంతంత మాత్రంగా ఉంటే కేటీఆర్ ఇలా ఫిటింగ్ పెట్టడం ఎంత వరకు మాత్రం సబబు.