మెమెన్ ఉరికి ప్రతీకారం.. మాట్లాడిన టైగర్ మెమెన్

Posted: 08/07/2015 11:54 AM IST

ఉగ్రవాది యాకుబ్ మెమెన్ కు గత నెల 30వ తేది భారత సుప్రీంకోర్ట్ ఉరి శిక్ష విధించింది. ముంబై వరుస పేలుళ్లకు కారణమైన యాకుబ్ మెమెన్ ను ఉరి తీయాల్సిందిగా భారత అత్యున్నత న్యాయస్థానం చారిత్రాత్మక తీర్పునిచ్చింది. దేశ వ్యాప్తంగా సంచలనం రేపిన ముంబై పేలుళ్ల దాడికి ప్రధాన సూత్రధారుల్లో ఒకరైన యాకుబ్ మెమెన్ కు 20 ఏళ్ల తర్వాత ఉరి శిక్ష విధించింది. యాకుబ్ మెమెన్ ఉరి సమయంలో దేశవ్యాప్తంగా హైఅలర్ట్ ప్రకటించారు. ఎక్కడా ఎలాంటి ఘటన జరగకుండా అన్ని జాగ్రత్తలు పాటించారు. మెమెన్ ఉరిని ఆపడానికి జరిగిన ప్రయత్నాలు.. అర్దరాత్ర సుప్రీంకోర్టు తలుపులు తెరుచుకోవడం ఇలా ఎన్నో విశేషాలు యాకుబ్ మెమెన్ ఉరి నేపథ్యంలో జరిగాయి. అయితే మెమెన్ ఉరి కంటే ముందే అతని అన్న, టైగర్ మెమెన్ కుటుంబ సభ్యులతో మాట్లాడినట్లు సమాచారం. తాజాగా టైగర్ మెమెన్ యాకుబ్ మెమెన్ కుటుంబ సభ్యులతో మాట్లాడినట్లు నిఘా వర్గాలు వెల్లడించాయి.

ముంబై వరుస బాంబ్ పేలుళ్లకు పథక రచన చేసిన కీలక సూత్రధారుల్లో యాకుబ్ మెమెన్ ఒకరు. దావూద్ ఇబ్రహీం,. టైగర్ మెమెన్, యాకుబ్ మెమెన్, మెమెన్ ఖాన్ లు ముంబై వరుస పేలుళ్లకు కారణమయ్యారు. అయితే అందులో కేవలం యాకుబ్ మెమెన్ ను మాత్రమే పట్టుకున్న ఇండియా అతడిని ఉరి తీసింది. అయితే యాకుబ్ మెమెన్ ను ఉరి తియ్యడానికి కొద్ది గంటల ముందు అతడి కుటుంబ సభ్యులతో దాదాపు గంటన్నర మాట్లాడినట్లు నిఘా వర్గాలు వెల్లడించాయి. మెమెన్ ఉరికి తగిన ప్రతీకారం తీర్చుకుంటామని టైగర్ మెమెన్ వారితో అన్నట్లు తెలుస్తోంది. కాగా ఇదే రోజు మెమెన్ ఉరితీత మీద విచారణ చేసిన ధర్మాసనం న్యాయమూర్తుల్లో ఒకరైన దీపక్ మిశ్రాకు బెదిరింపే లేఖ అందింది. ఎంత సెక్యూరిటీని పెంచుకున్నా చంపితీరుతామని అందులో ఉంది. ఇలా ఉగ్రవాదులు ప్రతీకారానికి సిద్దంగా ఉన్నారా అనే అనుమానాలు రేకెత్తుతున్నాయి.