కమెడియన్ ఆలీపై ఘనవిజయం సాధించిన శివాజీరాజా

Posted: 04/17/2015 12:18 PM IST

‘మా’ ఎన్నికల బరిలో అటు రాజేంద్రప్రసాద్ అధ్యక్షుడిగా 87 ఓట్లతో గెలుపొందగా.. మరోవైపు ఆయన ప్యానెల్ కు సంబంధించిన అభ్యర్థి శివాజీ రాజా ‘మా’ ప్రధాన కార్యదర్శిగా గెలుపొందారు. ఈ పోటీల్లో ఆయనకు వ్యతిరేకంగా నిలబడిన కమెడియన్ ఆలీ తక్కువ ఓట్లతో ఓటమి చవి చూడాల్సి వచ్చింది. ఆలీకున్న ఇమేజ్ నేపథ్యంలో ఈ ఎన్నికల్లో ఆయన గెలిచే అవకాశముందని అంతా భావించారు కానీ.. శివాజీ రాజా అధిక ఓట్లతో గెలుపొందడంతో ఆశ్చర్యం వ్యక్తం చేస్తున్నారు.

అయితే.. జయసుధ ప్యానెల్ రాజేంద్రప్రసాద్ ప్యానెల్ పై చేసిన అనవసరమైన ఆరోపణలు, వ్యంగ్యస్త్రాలు సంధించిన నేపథ్యంలో ఆ సభ్యులందరిపై బ్యాడ్ ఇమేజ్ వచ్చిందని.. తద్వారా ఆ ప్యానెల్ లో నిలిచిన అభ్యర్థులు ఓటమి చవి చూడాల్సి వచ్చిందని అంతా అనుకుంటున్నారు. ఏదిఏమైనా.. రాజేంద్రప్రసాద్ ప్యానెల్ కు సంబంధించిన అభ్యర్థి ‘మా’ కార్యదర్శిగా గెలుపొందడంపై ఆయన ప్యానెల్ సభ్యులు హర్షం వ్యక్తం చేస్తున్నారు.