హిడెన్ కెమెరాను పట్టుకున్న స్మృతి ఇరానీ, ఫ్యాబ్ ఇండియాపై కేసు

Posted: 04/03/2015 04:59 PM IST

కేంద్ర మానవవనరుల శాఖ మంత్రి స్మృతి ఇరానీ గోవాలోని కాండోలిమ్ ప్రాంతంలో గల ప్రముఖ వస్త్ర దుకాణం గుట్టును రట్టుచేసింది. దేశవ్యాప్తంగా శాఖోపశాఖలున్న వస్త్ర నిలయం ఫ్యాబ్ ఇండియాలోకి వెళ్లిన మంత్రి స్మృతి ఇరానీ.. ఓ వస్త్రాన్ని తీసుకుని డ్రెస్ చేయింగ్ రూం, వస్త్రాలు మార్చుకునే గదిలోకి వెళ్లింది. అక్కడ పరిశీలించగా అమెకు హిడెన్ కెమెరాలు కనిపించాయి. చాలా ఎత్తైన ప్రదేశంలో గోడ లోపల వాటిని అమర్చారు. అయితే ఆ కెమెరాల లెన్సులు మాత్రం చేజింగ్ రూం లోపలి దృశ్యాలను చిత్రీకరించేందుక వీలుగా అమర్చారు. వెంటనే బయటకు వచ్చిన అమె వాటిని పరిశీలించి, అవి నిజంగానే హిడెన్ కెమెరాలని నిర్ధారించుకుని షాక్ కు గురైంది.

తక్షణం చేయింగ్ రూమ్ నుంచి వెలుపలకు వచ్చి..  అక్కడే వున్న తన భర్తకు విషయాన్ని చెప్పింది. వెంటనే కాలనగూట్ బీజేపి ఎమ్మెల్యే మైఖేల్ లోబోకు కూడా విసయాన్ని చెప్పింది. దీంతో స్థానిక ఎమ్మెల్యే పోలీసులను వెంటబెట్టుకుని పరుగుపరుగున షాపింగ్ కాంప్లెక్స్ కు చేరుకున్నారు. పోలీసులు వచ్చి రావడంతోనే లోపల వున్న కస్లమర్లను బయటకు పంపి, దుకాణాన్ని, సీసీ కెమెరాలను, కంప్యూటర్ హార్డ్ డిస్క్ సహా పలు వస్తువులను సీజ్ చేశారు. దుకాణ మేనేజర్ ను అదుపులోకి తీసుకున్నారు. కేసు నమోదు చేసి దర్యాప్తు చేస్తున్నారు.

అప్పటికే స్మృతి ఇరానీ ఆ ప్రాంతాన్ని వదలి బాగాలోని తాను బస చేసిన ప్రాంతానికి చేరుకుంది. అక్కడికి వెళ్లిన స్తానిక పోలీసు ఇన్స్ పెక్టర్.. నిలేష్ రాణేకు తన వాంగ్మాలాన్ని ఇచ్చింది. దుకాణాదారులు చెప్పే కట్టుకధలు నమ్మకండి, ఇది అంతటా జరుగుతోంది. ఆడవారు వస్త్రాలను మార్చుకునే క్రమంలో వీడియోలను తీసి.. ఆ తరువాత వారి పరువును బజారు పాలు చేస్తున్నారని మంత్రి తన వాంగ్మూలం కూడా ఇచ్చింది. దానిని పరిశీలించగా గత నాలుగు నెలలుగా ఆ కెమెరాలతో ఆడవారి వస్త్రాలు మార్చుకునే వీడియోలు రికార్డ చేసినట్లుగా వున్నాయని ప్రాధమిక సమాచారం. కేవలం రెండు రోజుల హాలిడే టూర్ పై గోవాకు వచ్చిన కేంద్ర మంత్రి స్మృతి ఇరానీ తృటిలో ఘోర పరాభవాన్ని తప్పించుకున్నారు.

జి.మనోహర్