ఆ నెంబరు అవినీతి పిర్యాదును తీసుకోవడం లేదు సారు..

Posted: 01/12/2015 12:58 PM IST

Kcr s graft hotline goes to wrong number

తెలంగాణ ప్రజలకు ఓ వరాన్ని అందించారు ముఖ్యమంత్రి కేసీఆర్. తన ప్రభుత్వ హయాంలో చేపట్టే ఏ పనికైనా ప్రభుత్వ అధికారులు లంచాలని డిమాండ్ చేస్తే తనకు పిర్యాదు చేయాలని కోరారు. అయితే ఇక్కడే తెలంగాణ ప్రజలకు పెద్ద చిక్కు వచ్చి పడింది. ముఖ్యమంత్రి కేసీఆర్ స్వయంగా ప్రకటించిన నెంబరు తమ పిర్యాదులను స్వీకరించడం లేదు. ముఖ్యమంత్రి ప్రకటించిన నెంబరు ఆరోగ్య శ్రీకి చెందినగా తెలింది. అయితే ఇక్కడ గమ్మతైన మరో విషయమేమిటంటే.. సదరు నెంబరు తెలంగాణ ప్రభుత్వానికే కాదు.. ఆంధ్రప్రధేశ్ ఆరోగ్యశ్రీకి సంబంధించినది కూడా.

ఈ నెంబరుకు కాల్ చేయగానే ఆంధ్రప్రదేశ్ కోసం అయితే 1, తెలంగాణ కోసం అయితే 2 కాల్ చేయండి అని అటోమేటడ్ సిస్టమ్ ప్రశ్నిస్తుంది. అయితే ఆరోగ్య శ్రీ సత్సంబంధమబైన ఐదు అంశాలకు సంబంధించిన పిర్యాదులకు ఇది స్వీకరిస్తుంది. అంతేకాని అవినీతిపై ఎలాంట పిర్యాదులను ఈ నెంబరు స్వీకరించడం లేదు. దీంతో అవినీతిపై ముఖ్యమంత్రి స్వయంగా ఇచ్చిన నెంబరు సంబంధించిన అంశంలో పనిచేయడం లేదని ప్రజలు అంటున్నారు. ఇకనైనా నెంబరును సరిగా జారీ చేయాలని ప్రజలకు కోరుతున్నారు. ప్రభుత్వ పనులలో లంచావతారాల పని పట్టేందుకు ప్రభుత్వం సుముఖంగా వున్నా.. తదనుగూణంగా వ్యవస్థను కూడా నిర్మించాల్సిన అవసముందని, ప్రజలు కోరుతున్నారు.

గత నాలుగు రోజులుగా తెలంగాణ ముఖ్యమంత్రి కేసీఆర్ వరంగల్ జిల్లాలో పర్యటిస్తున్నారు. ఈ సందర్భంగా ప్రజలకు మేలు చేయాలని ప్రవేశ పెట్టిన పథకాలలో లబ్దిదారులను ఇబ్బందులను పెట్టే అధికారులతో పాటు లంచాలను తీసుకునే అధికారులపై నేరుగా తనకే ఫోన్ చేయాలని వరంగల్ మురికివాడల్లోని ప్రజలకు చెప్పారు. లంచాలపై ఫిర్యాదుల కోసం తన కార్యాలయంలో 040-23454071 అనే టోల్‌ఫ్రీ నెంబరును ఏర్పాటు చేసినట్లు ప్రకటించారు. ఏ ప్రభుత్వ అధికారి అయినా లంచం డిమాండ్ చేసిన పక్షంలో తనకు ఫోన్ చేయాలని ప్రజలను కోరిన విషయం తెలిసిందే

జి. మనోహర్