ప్రపంచాన్ని వణికిస్తున్న మాయదారి మహమ్మారి రోగం

Posted: 12/21/2014 02:43 PM IST

మాయదారి మహమ్మారి రోగం ఎబోలా ప్రాణాలను కబళిస్తుంది. ప్రపంచాన్ని వణికిస్తున్న ఎబోలా వల్ల ఇప్పటివరకూ 7373 మంది మరణించినట్లు రికార్డుల్లో నమోదైనట్లు ప్రపంచ ఆరోగ్య సంస్థ (డబ్ల్యూహెచ్‌వో) తెలిపింది. ఇది ఆందోళనకర పరిణామంగా ప్రపంచ ఆరోగ్య సంస్థ పేర్కొంది. వీరిలో అధిక మంది మృతులు దక్షిణాఫ్రికాలోని సియెర్రా లియోన్ దేశంలోనే నమోదైనట్లు ప్రపంచ ఆరోగ్య సంస్థ వెల్లడించింది. దీంతో పాటు లైబీరియా, గినియాల్లో మరణాలు ఎక్కువగా ఉన్నాయని పేర్కొంది. వీటికితోడు మాలిలో ఆరుగురు, నైజీరియాలో 8 మంది, అమెరికాలో ఒకరు మరణించారని వెల్లడించింది.

కాగా ఎబాలా వ్యాధి ప్రచండ వేగంతో విస్తురిస్తుండం వల్ల గినియా, సియెర్రా లియోన్, లైబీరియాల్లో నమోదైన కేసులు 19,031కి చేరాయని ప్రపంచ ఆరోగ్య సంస్థ తెలిపింది. ఎబోలా మరణాలు తీవ్రస్థాయికి చేరుకోవడంతో ఐక్యరాజ్యసమితి కూడా ఆందోళన వ్యక్తం చేసింది. దక్షిణాఫ్రికాలోని ఎబోలా బాధిత ప్రాంతాలలో ఐక్యరాజ్యసమితి సెక్రటరీ జనరల్ బాన్ కీ మూన్ తో పాటు తామ ప్రతినిధులు పాల్గోననున్నట్లు ప్రపంచ ఆరోగ్య సంస్థ వెల్లడించింది. బుధవారం 6 వేల 900లుగా వున్న మరణాలు కేవలం రెండు రోజుల్లోనే మూడు వందల తొంబై రెండు మంది మరణించడం వ్యాధి ప్రభావాన్ని తెలుపుతుందని ఆవేదన వ్యక్తం చేసింది.

జి. మనోహర్