నేటి విద్యార్థులే రేపటి రేపిస్టులు : భయంకర నిజాలు

Posted: 11/22/2014 08:56 AM IST

A survey says hyderabad students interest to do rape

భాగ్యనగరంగా విశ్వ వ్యాపితం అయిన హైదరాబాద్ బ్రాండ్ ఇమేజ్ మసకబారుతోంది. సిటి ఎంత వేగంగా అభివృద్ధి చెందుతుందో.., నగరవాసుల మైండ్ సెట్ కూడా అంతే వేగంగా మారుతోంది. ముఖ్యంగా యువత పెడదారి పడుతోంది అందివచ్చిన సాంకేతిక పరిజ్ఞానంను తప్పుడు పనులకు ఉపయోగించటమే కాకుండా.., తప్పు చేసేందుకు తహతహలాడుతున్నారు. నేటి బాలలే రేపటి పౌరులు అనే సూక్తిని., నేటి విద్యార్థులే రేపటి రేపిస్టులు అనేలా చేస్తున్నారు. హైదరాబాద్ విద్యార్థులపై జరిపిన ఓ సర్వేలో విస్తుగొలిపే నిజాలు వెల్లడయ్యాయి.

అత్యాచారాల రాజధానిగా దేశ రాజధాని ఢిల్లీ ప్రపంచం దృష్టిలో చెడ్డ పేరు తెచ్చుకుంది. ఢిల్లీతో పాటు పొరుగున ఉండే హర్యానా, ఉత్తరప్రదేశ్ రాష్ర్టాల్లో కూడా ఈ సంస్కృతి ఎక్కువగా ఉంది. ఇదే క్రమంలో తెలుగు రాష్ర్టాల విషయానికి వస్తే.., హైదరాబాద్ లో కూడా అప్పుడప్పుడూ రేఫ్ దుర్ఘటనలు వెలుగులోకి వస్తున్నాయి. ఈ క్రమంలో నగరంలో యువత, ముఖ్యంగా విద్యార్థుల ప్రవర్తన, వారి మనసుల్లో ఉండే ఆలోచనలపై ‘‘రెస్క్యూ’’ అనే స్వచ్ఛంద సంస్థ సర్వే నిర్వహించింది. ఈ సర్వేలో విద్యార్థుల నుంచి భయంకరమైన నిజాలు బయటకు వచ్చాయి.

దాదాపు 13 కాలేజీల్లో 350 మంది విద్యార్థులు సర్వేలో పాల్గొన్నారు. వీరిలో చాలా మంది యువత పోర్న్ సైట్స్ చూస్తున్నట్లు తెలిసింది. పోర్న్ కంటెంట్, ఫొటోలు, వీడియోలు ఉండే సైట్లను రోజువారిగా ఫాలో అవుతున్నవారు కూడా చాలమంది ఉన్నారు. ఇక కొందరయితే పోర్న్ సైట్స్ కు బానిసలుగా మారి మొబైల్ ఫోన్ లో ఎప్పుడూ సైట్ ను ఓపెన్ చేసి పెడుతున్నట్లు గుర్తించారు. ఇక వీడియోల విషయానికి వస్తే చాలామంది విద్యార్థులు యూట్యూబ్, ఇతర వీడియో సైట్లలో పోర్న్ వీడియోలు చేస్తున్నారట.

విద్యార్థులు చూసే పోర్న్ వీడియోల్లో ఎక్కువగా రేప్ లకు ప్రాధాన్యం ఇస్తున్నట్లు సర్వే తేల్చింది. ఇక్కడ మరొక భయంకర వాస్తవం ఏమిటంటే.., ఇలా రేప్ వీడియోలు చూస్తున్నవారిలో దాదాపు 58శాతం యువత రేప్ చేయాలని కోరుకుటున్నట్లు సర్వే సంస్థ వెల్లడించింది. ఇది చాలా ప్రమాదకర పరిణామం. విద్యాబుద్ధులు నేర్వాల్సిన విద్యార్థులు ఇలా అశ్లీలం బారిన పడి.., ఆవేశంలో అఘాయిత్యాలకు పాల్పడితే వారి బంగారు భవిష్యత్తు బుగ్గిపాలవుతుంది. ఎదిగే వయస్సులో సక్రమ మార్గంలో నడవక పోతే జీవితం నాశనం అవుతుందని ఆందోళన వ్యక్తం అవుతుంది.

కన్నవారు కారకులు..?

విద్యార్థులు ఇలా ప్రమాదకరంగా మారటానికి అశ్లీల వెబ్ సైట్లు, సమాజంలో మారుతున్న పరిస్థితులతో పాటు తల్లితండ్రులు కూడా కారణం అవుతున్నారు. ఇతరుల పిల్లల్లాగే తమ పిల్లలు కూడా బాగుండాలనే ఉద్దేశ్యంతో అవసరం లేకున్నా మొబైల్ ఫోన్స్, టాబ్లెట్స్ ఇస్తున్నారు. వస్తువును కొనివ్వటంలో చూపిన శ్రద్ద.., వాటిని ఎలా, ఎందుకోసం ఉపయోగిస్తున్నాడు అనే విషయంలో చూపటం లేదు. ఫలితంగా ఎదిగే వయస్సులో కలిగే కోరికలతో విద్యార్థులు ఇలా చెడు వ్యసనాలకు బానిస అవుతున్నారని విశ్లేషకులు చెప్తున్నారు.

అంతేకాకుండా పిల్లలను పెంచే విధానంలో కూడా తల్లితండ్రుల ధోరణి మారటంతో.., విచ్చలవిడి స్వేచ్చ హద్దులు దాటి చెడు పనులు చేసేలా ప్రోత్సహిస్తోంది అని సైకాలజిస్టులు హెచ్చరిస్తన్నారు. పిల్లల పెంపకం సరిగా ఉంటే వారు గాడి తప్పేందుకు తక్కువ అవకాశాలుంటాయని చెప్తున్నారు. పిల్లలకు కన్నవారు స్వేచ్ఛను ఇస్తూనే.., వారు ఏం చేస్తున్నారు అని కనిపెడుతూ ఉండటం ప్రతి తల్లితండ్రుల బాధ్యత. ఈ విషయం ప్రతి పేరంట్ గుర్తు పెట్టుకోవాలి లేదంటే.. ‘నేటి విద్యార్థులే రేపటి రేపిస్టులు’ అనే మాట నిజం కావచ్చు.

కార్తిక్