కాశ్మీర్ పాక్ కలిస్తే భారత్ ఖేల్ ఖతం

Posted: 10/17/2014 07:54 AM IST

పాక్ నియంతగా పేరొందిన కార్గిల్ యుద్ధ కారకుడు ముషార్రఫ్ మరోసారి భారత్ పై విషం చిమ్మారు. ఉపఖండంపై తనకు ఉన్న పగ, కసిని మరోసారి మీడియాతో వెల్లడించారు. కాశ్మీర్ ప్రజలను ఎప్పుడూ ఏదో ఒక అంశంతో రెచ్చగొడుతూనే ఉండాలన్నారు. కాశ్మీర్లో వివాదాలు జరగటమే పాక్ కు లాభం కల్గిస్తుందని చెప్పారు. భారత్, పాక్, కాశ్మీర్ అంశాలపై ఓ మీడియా సంస్థతో ప్రత్యేకంగా ఇంటర్య్వూలో మాట్లాడిన ముషార్రప్ ఈ కామెంట్లు చేశాడు.

అంతేకాకుండా కాశ్మీర్ లో పోరాటాలు చేసేవారికి పాక్ ఎఫ్పుడూ సహాయ సహకారాలు అందించాలన్నారు. కాశ్మీర్ లో పోరాటాలు చేసే యువతతో పాక్ సైన్యం కలిస్తే.., భారత్ ను ఎదుర్కోవటం చాలా సులభం అవుతుందన్నారు. తద్వారా పాక్ ఎఫ్పుడూ భారత్ పై దాడి చేసేందుకే ఎదురుచూస్తుంది అని పరోక్షంగా స్పష్టం చేశాడు. పాక్ చావుదెబ్బతిన్న కార్గిల్ యద్ధానికి కారకుడైన ముషార్రఫ్ పదవిని వీడినా ఉపఖండంపై తన శత్రుత్వంను మాత్రం మానుకోలేదు. గతంలో కూడా కార్గిల్ యుద్దం, కాశ్మీర్ అంశాలపై పలుమార్లు విషం కక్కారు.

ఇక ప్రధాని నరేంద్రమోడిపై కూడా పాక్ మాజి సైనికాధ్యక్షుడు విమర్శలు చేశారు. మోడి ఓ మతవాది అని విమర్శించారు. భారత ప్రధాని ఒక మతానికి అనుకూలంగా వ్యవరిస్తారు అని ఆరోపించారు. భారత్ తో శాంతిని కోరుకుంటున్నామని చెప్తున్న పాక్ సరిహద్దులో మాత్రం రోజూ దొంగదెబ్బతీసేందుకు కాచుకుని కూర్చుంటున్న విషయం తెలిసిందే. తాజాగా మాజి అధ్యక్షుడి కామెంట్లతో మరోసారి రెండు దేశాల మద్య మాటల యుద్ధానికి తెరలేచింది. ముషార్రఫ్ కామెంట్లపై పాక్ నేతలు ఎలా స్పందిస్తారో చూడాలి.

 

కార్తిక్