గుజరాత్ లో కేజ్రీవాల్ వాహనాన్ని అడ్డుకున్న పోలీసులు

Posted: 03/07/2014 12:35 PM IST

గుజరాత్ పర్యటనలో ఉన్న ఆఆపా మాజీ ఢిల్లీ ముఖ్యమంత్రి అరవింద్ కేజ్రీవాల్ గుజరాత్ ముఖ్యమంత్రి కార్యాలయానికి నరేంద్ర మోదీని కలవటానికి పోతుండగా పోలీసులు మధ్యలోనే అడ్డుకున్నారు.  దానితో ఆఆపా నాయకుడు మనీష్ శిసోడియా నరేంద్ర మోదీ అప్పాయింట్ మెంట్ కోసం బయలుదేరారు. 

గుజరాత్ రాష్ట్రంలో మోదీ చెప్తున్నంత ప్రగతి ఉందా అని ప్రత్యక్షంగా చూడటానికి నాలుగు రోజులుగా పర్యటన చేస్తున్న ఆమ్ ఆద్మీ పార్టీ ముఖ్య నాయకుడు అరవింద్ కేజ్రీవాల్ తను చేసిన పరిశీలనలో కలిగిన సందేహాలను 16 ప్రశ్నలుగా మోదీని అడగటానికి పోతుండగా మోదీతో భేటీకి ఆయనతో అప్పాయింట్ మెంట్ లేని కారణంగా మధ్యలోనే ఆయనను గుజరాత్ పోలీసులు అడ్డుకున్నారు.  

కేజ్రీవాల్ కి వ్యతిరేకంగా భాజపా కార్యకర్తలు ఈ రోజు ఉదయం గోబాక్ అంటూ నినాదాలు చేసారు.  గురువారం ఆయనను అదుపులోకి తీసుకున్నందుకు పోలీసులు వివరణనిచ్చారు.  అనుమతి లేకుండా గాంధీధామ్ లో మైక్ లను ఉపయోగిస్తూ ప్రసంగాలు చేసారని, అందుక ఎన్నికల కమిషన్ అధికారులు కూడా సాక్షులని, వారు చెప్పబట్టే కేజ్రీవాల్ ని అదుపులోకి తీసుకోవటం జరిగిందని అన్నారు.

కేజ్రీవాల్ ముఖ్యంగా అడగదలచుకున్నవి, మోదీ చెప్తున్న రాష్ట్రంలో అవినీతి అంతం, ఉపాధి పెంపు మీద ప్రజల అభిప్రాయం భిన్నంగా ఉందని అన్నారు.  ప్రధానమంత్రైన పక్షంలో కెజి బేసిన్ లో గ్యాస్ ధరను తగ్గిస్తారా అని అడుగుతానని అన్నారు కేజ్రీవాల్.

అయిత మా అబివృద్ధికి కేజ్రీవాల్ ఇన్స్ పెక్టర్ అయ్యారా అంటూ భాజపా నాయకులు కేజ్రీవాల్ ని విమర్శించారు.

-శ్రీజ