మమత కంచుకోటలోకి మోదీ

Posted: 02/05/2014 02:18 PM IST

భారతీయ జనతా పార్టీ ఈ రోజు మమతా బెనర్జీ రాజ్యం పశ్చిమ బెంగాల్ లో ప్రధానమంత్రి అభ్యర్థి నరేంద్ర మోదీ ర్యాలీతో ఆ రాష్ట్రంలో ఎన్నికల ప్రచారానికి శ్రీకారం చుట్టబోతోంది.

భాజపా జాతీయ అధ్యక్షుడు రాజ్ నాథ్ సింగ్ మోదీతోపాటుగా ఈ ర్యాలీలో పాల్గొంటారు.  ఆయన మధ్యాహ్నానికి కోలకతా విమానాశ్రయం చేరుకుని అక్కడి నుండి హెలికాప్టర్ లో రేస్ కోర్స్ హెలిప్యాడ్, అక్కడి నుండి బ్రిగేడ్ గ్రౌండ్స్ లోని సభాస్థలి కి కారులో చేరుకుంటారు. 

ఈ సందర్బంగా కోల్ కతాలో భారీ భద్రతా ఏర్పాట్లు జరిగాయి.  అందులో భాగంగా గుజరాత్ పోలీసులు, జాతీయ భద్రతా దళాలు కూడా కోలకతాలో మోహరించివున్నారు.  ముఖ్యమైన ప్రాంతాల్లో సిసి కేమెరాలను అమర్చి పోలీసులు అప్రమత్తతంగా ఉన్నారు. 

-శ్రీజ