ఢిల్లీ ప్రజలకు మంచి చేస్తున్నంతకాలం ఆప్ కి మద్దతు- కాంగ్రెస్

Posted: 01/02/2014 04:08 PM IST

విశ్వాస ప్రతిపాదనను శాసనసభలో ప్రవేశపెట్టిన సిసోడియా వ్యక్తిగత విషయాలను పక్కన పెట్టి ఢిల్లీ ప్రజలకోసం కదలిరావాలని శాసనసభలో పిలుపునిచ్చారు.

ఆమ్ ఆద్మీ పార్టీ తరఫున మాట్లాడుతూ మనీష్ సిసోడియా, ఆమ్ ఆద్మీ పార్టీ చేసిన వాగ్దానాలకు కట్టుబడివుందని, నీరు విద్యత్ మాత్రమే కాకుండా ఢిల్లీలో ఇంకా ఎన్నో వసతులను మెరుగుపరుస్తామని చెప్తూ ఢిల్లీలో పాఠశాలల్లోనూ హాస్పిటల్స్ లోనూ సిఫారసులు లేకుండా చేర్చుకునే విధానాన్ని అమలుపరుస్తామని అన్నారు. 

అయితే అంతకు ముందు ఆమ్ ఆద్మీ పార్టీ టోపీలకే తప్పు పట్టిన భాజపా విశ్వాస ప్రతిపాదనను వ్యతిరేకించారు.  ఢిల్లీ ప్రజలను ఆమ్ ఆద్మీ పార్టీ పక్కదోవ పట్టిస్తున్నారంటూ భాజపా నాయకుడు హర్షవర్ధన్ శాసనసభలో అన్నారు.

ఢిల్లీ ప్రజలకు మంచి చేసే పార్టీకి అధికారమివ్వమని ఎన్నికల ముందు కోరిన విధంగా వోటర్లు భాజపా కి ఎక్కువ స్థానాలనిచ్చారని, అయినా ప్రతిపక్షానికే అంకితమై ఉండాల్సివస్తోంని హర్షవర్ధన్ అన్నారు. 

ఢిల్ల ప్రజలు ఆమ్ ఆద్మీకి మద్దతునివ్వాలని కోరుకుంటున్నారు కాబట్టి ఆ పార్టీకి సమర్ధనను తెలియజేస్తున్నామని, ఢిల్లీ ప్రజల సంక్షేమంలో పనిచేస్తున్నంత కాలం ఆప్ కి తమ మద్దతుంటుందని కాంగ్రెస్ పార్టీ తరఫునుంచి అరవిందర్ సింగ్ లవలీ అన్నారు. 

కాంగ్రెస్ పార్టీ ఆమ్ ఆద్మీ పార్టీని తొందరపాటు నిర్ణయాలను తీసుకోవద్దని కూడా హెచ్చరించింది.

జెడి(యు) శాసన సభ్యుడు షోయెబ్ ఇక్బాల్ చేసిన వ్యాఖ్యల మీద శాసన సభలో గందరగోళం ఏర్పడింది.  ఆయన ఉపన్యాసంలో రామ్ మందిర్ ప్రస్తావన తీసుకుని రావటంతో భాజపా శాసన సభ్యులు ఆవేశానికి గురయ్యారు.  దానితో ఇక్బాల్, భాజపా నాయకుల మధ్య వాగ్యుద్ధం నడిచింది. 

-శ్రీజ