సోనియాకు అభినందనలు తెలిపిన బొత్స

Posted: 08/27/2013 03:04 PM IST

సమైక్యాంద్ర ఉద్యమం పై, రాష్ట్ర విభజనపై ఎలాంటి ప్రకటన చెయ్యని పీసీసీ అద్యక్షుడు బొత్స సత్యనారాయణ. నేడు సోనియా గాంధీకి అభినందనలు తెలిపారు. ఆహార భద్రత చట్టాం పై బొత్స సోనియాకు భజన చేశారు. ఆహార భద్రత చట్టాన్ని దేశ చరిత్రలో మైలు రాయిగా ఆయన వర్ణించారు. ఈ చట్టాన్ని తీసుకువచ్చినందుకు సోనియా గాంధీ, ప్రధాని మన్మోహన్ సింగ్, రాహుల్ గాంధీలకు ఆయన అభినందనలు, కృతజ్ఞతలు తెలిపారు. ఆహార భద్రత చట్టం పేదలకు వరమని బొత్స అన్నారు. మహాత్మ గాంధీ జాతీయ గ్రామీణ ఉపాధి హామీ పథకంలో చేతినిండా పని కల్పించిన యూపీఏ ప్రభుత్వం ఇప్పుడు ఆహార భద్రతతో పేదల ఆకలి తీర్చేందుకు ఆహార భద్రత చట్టం తెచ్చిందన్నారు. బిల్లు ఆమోదం సందర్భంగా సోనియా గాంధీ చూపిన నిబద్దతను బొత్స ప్రశంసించారు. అనారోగ్యంతో ఉన్నా సోనియా లోక్ సభకు హాజరయిన విషయాన్ని ఆయన గుర్తుచేశారు.