కోర్టులో మాయం అయిన ఎకె 47...

Posted: 06/20/2013 06:46 PM IST

పోలీసులు ప్రజలకు రక్షణ కల్పించలేకపోతున్నారనే విమర్శలు వినిపిస్తుంటాయి. కోర్టులో ఉంచి గన్ కు రెక్కలోచ్చాయి.. మహబుబూనగర్ జిల్లా కోర్టులో ఏకే 47 గన్ మాయం అయ్యాంది. జిల్లా కోర్టులో ఎకె 47 తుపాకీ, 57 తూటాలు చోరీకి గురికావడం సంచలనం కలిగించింది. జిల్లా కోర్టులోని ఫ్యామిలీ కోర్టు భవనంలో ఉంచిన తూటాలు, మరికొన్ని వస్తువులు అపరహరణకు గురయ్యాయని గుర్తించిన కోర్టు అధికారులు పోలీసులకు ఫిర్యాదు చేశారు. ఈ విషయంలో ఫ్యామిలీ కోర్టు సూపరింటెండెంట్ ను సస్పెండ్ చేస్తున్నట్లు కోర్టు అధికారులు తెలిపారు. ఆమనగల్లు మాజీ ఎంపిపి పంతూ నాయక్ ను మావోయిస్టులు కాల్చి చంపిన ఘటనలో స్వాధీనం చేసుకున్న ఈ ఆయుధం, బుల్లెట్లు కనపడకుండా పోవడం పలు అనుమానాలకు తావిస్తోంది. సాయంత్రం కోర్టు సిబ్బంది ఏకే 47 తుపాకీ మాయం అయినట్లు గుర్తించారు. ఎంత వెతికినా దొరకక పోవడంతో పోలీసులకు ఫిర్యాదు చేశారు.