అరుణాచలం దూకుడు..

Posted: 06/18/2013 04:48 PM IST

సిబిఐ జేడి అరుణాచలం మొదటి రోజు తనలో ఉన్న ఫైర్ ఏమిటో మీడియా వారికి రుచి చూపించారు. అదే ఫైర్ ను కేసుల మీదకూడా చూపిస్తున్నారు సిబిఐ జెడి అరుణాచలం దూకుడు మీదున్నారు. పాత జేడీ లక్ష్మీనారాయణకు ఏమాత్రం తీసిపోనని చాటి చెప్తూ.. విధుల్లో చేరిన రెండు రోజులకే జగన్ అక్రమాస్తుల కేసులో రెండవ ఛార్జీషీట్ కు అనుబంధ చార్జీ షీట్ దాఖలు చేయడం గమనార్హం. ఛార్జీషీట్ లో కొత్తగా 7 గురు సాక్షులు, ముగ్గురు నిందితులను చేర్చారు. 1000 పేజీల డాక్యుమెంట్స్ ఉన్న ఛార్జీ షీట్ లో పలు అంశాలను పేర్కొన్నారు. జగతి పబ్లికేషన్స్ షేర్ 10 నుండి 350రూపాయలకు ఎలా పెంచేశారో.. అక్రమాలకు ఎలా పాల్పడ్డారో పకడ్బందీ ఆధారాలతో కోర్టుకు విన్నవించారు. ప్రముఖ వ్యాపార వేత్తలు మాధవ రామచంద్రన్, కణ్ణన్, ఎకె దండమూరిలు పెట్టుబడులు ఎవరి ప్రోద్బలంతో పెట్టారో కూడా పూస గుచ్చినట్లు ఛార్జీషీట్ లో వివరించారు.