Posted: 02/06/2013 11:11 AM IST

తెలుగుదేశం పార్టీ నాయకుడు, శాసనభ్యుడు, అధికార ప్రతినిధి అయిన రేవంత్ రెడ్డి పై ఆయన నియోజక వర్గంలో రాళ్ళ దాడి జరిగింది. గత ఎన్నికలలో కొడంగల్ లో భారీ మెజారీటీతో రేవంత్ రెడ్డి విజయం సాధించారు. ఇక వచ్చే ఎన్నికలలో ఆ నియోజక వర్గంలో పట్టుసాధించేందుకు రేవంత్ రెడ్డి వివిధ కార్యక్రమాలు చేపట్టారు. ఆ ప్రాంతంలో జరుగుతున్న రోడ్డు పనులను పరిశీలించేందుకు వచ్చిన రేవంత్ రెడ్డి ఆయన ప్రత్యర్థి అయిన మాజీ ఎమ్మెల్యే గుర్నాథరెడ్డి కి చెందిన అనుచరులు రాళ్ళు, సీసాలతో దాడి చేశారు. ఈ దాడిలో రేవంత్ రెడ్డి తృటిలో తప్పించుకున్నారు. ఆయన కారు అద్దాలు ధ్వంసం అయ్యాయి. గత ఎన్నికల ముందు కూడా రేవంత్ రెడ్డి పై  గుర్నాథరెడ్డి వర్గం దాడి చేసిన సంగతి తెలిసిన విషయం విషయమే.